Рудный қаласында «Қызмет алушының бірыңғай күні» өтті

Мемлекеттік қызметтердің сапасы мен қолжетімділігін арттыру мақсатында Рудный қаласы әкімінің аппаратының «Ішкі бақылау, мемлекеттік қызметтер мониторингі және ақпараттық технологиялар қызметі» бөлімі 2026 жылғы 23 қаңтарда «Қызмет алушының бірыңғай күнін» өткізді.

Іс-шара Рудный қаласының Халыққа қызмет көрсету бөлімі ғимаратында өтіп, оған қала әкімдігінің мемлекеттік мекемелерінің мамандары, ең сұранысқа ие мемлекеттік қызметтерді көрсететін қызмет беруші органдардың өкілдері қатысты.

Іс-шара барысында тұрғындарға бір жерде құжаттарды рәсімдеу тәртібі, әлеуметтік қызметтерді алу және басқа да өзекті мәселелер бойынша кеңестер мен түсіндірулер алу мүмкіндігі берілді. Мамандар мемлекеттік қызметтерді көрсету тәртібін, қажетті құжаттар тізбесін егжей-тегжейлі түсіндіріп, азаматтардың жеке сұрақтарына жауап берді.

«Қызмет алушының бірыңғай күнін» өткізу халықтың хабардарлық деңгейін арттыруға, әкімшілік кедергілерді азайтуға және мемлекеттік органдар мен азаматтар арасындағы ашық диалогты дамытуға бағытталды. Мұндай іс-шаралар көрсетілетін қызметтердің сапасын арттыруға және халықтың мемлекеттік қызметтер көрсету жүйесіне деген сенімін нығайтуға ықпал етеді.