«Рахмет саған, туған Ел!» жобасы аясында кездесу

Бүгін «Арман» клубында «Рахмет саған, туған Ел!» жобасын іске асыру аясында Рудный қаласы әкімдігінің Рудный қалалық ішкі саясат бөлімінің және «Ардагерлер ұйымы» республикалық қоғамдық бірлестігі филиалының қолдауымен Горняцк кентінің табысты тумасы- Дүйсембай Жүсіпбекұлы Сапановпен кездесу өтті.

Дүйсембай Жүсіпбекұлы 1948 жылы Қостанай облысы Рудный қаласының аумағында, Сарыбай кентінде дүниеге келген.

Ол еңбек жолын электровоз машинисінің көмекшісі қызметінен бастап, құрылыс тресінің басқарушысына дейін көтерілді. 1973 жылы Рудный индустриалды институтын бітіріп, Лисаков КБК объектілерін салуға жіберілді.

1990 жылдары Дүсембай Жүсіпбекұлы «ТАС» құрылыс компаниясын құрды, ол 1998 жылы Астана қаласында тұрғын үй объектілерін салуға арналған алғашқы мемлекеттік тендерлердің бірінде жеңімпаз атанды.

2000 жылдардың басында «ТАС» компаниясы елордада су-жасыл бульвардың құрылысына белсенді қатысты. Оның алаңының 40% - дан астамы, оның ішінде негізгі баспалдақ, осы ұйымның күшімен салынған. Дәл осы баспалдақпен Қазақстан Республикасының Тұңғыш Президенті Нұрсұлтан Назарбаев бульвардың салтанатты ашылуы кезінде көтерілді.

2002-2003 жылдары Сапанов Республиканың Орталық ипподромы мен Ат спорты кешенінің құрылысына қатысты. «Қуат» компаниясымен бірге ол «Гранд Алатау» және «Гранд Астана» тұрғын үй кешендерін, сондай-ақ мемлекеттік қызметшілерге арналған көп қабатты үйлерді салуға қатысты.

Құрылыс саласын дамытуға қосқан елеулі үлесі үшін ол «Еңбек сіңірген құрылысшы» медалімен марапатталды. Оның құрылыстағы жалпы жұмыс өтілі 50 жылды құрайды.