Науырзым ауданында "Ashyk" жобасының іске асыру туралы
2021 жылғы қаңтардан бастап Нұр-Сұлтан, Алматы және Қарағанды қалаларында, 26 сәуірден бастап – еліміздің барлық өңірлерінде кәсіпкерлік субъектілерінде ерікті түрде пилоттық режимде "Ashyk" мобильдік қосымшасы іске қосылды.
Жоба бизнеске шектеу шаралары кезеңінде 1-деңгейдің шектеулерін жеңілдету арқылы жұмыс істеуге мүмкіндік береді, мысалы, "қызыл" аймақтағы кәсіпорынға "сары" аймақтың ережелері бойынша (кешке дейін, демалыс күндері және т.б.) жұқтырған және байланысқан адамдарға жол бермей жұмыс істеуге рұқсат етіледі.
Бүгінгі күні аудан бойынша "Ashyk" жобасына 18 кәсіпорын қатысады, оның ішінде 4 кәсіпорын қоғамдық тамақтану, 1 банкет залы, 13 ерікті қатысушы (3 мемлекеттік орган, 10 басқа).
Қостанай облысының бас санитарлық дәрігерінің 2021 жылғы 27 сәуірдегі №14 қаулысына сәйкес "Ashyk" жобасына қатысуға өтінімдерді қарау "Атамекен" кәсіпкерлер палатасының өкілеттігінде.