Эпидемиялық маңыздылығы болмашы объектінің қызметін (пайдалануын) бастағаны туралы хабарлама

Эпидемиялық маңыздылығы болмашы объектінің қызметін (пайдалануын)
бастағаны туралы хабарлама кәсіпкер немесе ұйым халыққа болмашы
эпидемиологиялық қауіп төндірсе, оның жұмысының басталғаны туралы хабарлау
үшін санитариялық-эпидемиологиялық бақылау комитетінің аумақтық
бөлімшелеріне ұсынатын ресми құжат болып табылады.
Эпидемиялық маңыздылығы болмашы объектілерге азық-түлік дүкендері,
компьютерлік клубтар, дәріханалар, шаштараздар, сұлулық салондары,
сыйымдылығы 20 адамға дейін моншалар, қонақ үйлер және т.б. жатады.
Бұл не үшін керек?
«Рұқсаттар және хабарламалар туралы» Қазақстан Республикасының 2014 жылғы 16
мамырдағы № 202-V ҚРЗ Заңының 17-б., 1-т. сәйкес, жеке және заңды тұлғалардың
жекелеген қызмет түрлерін немесе әрекеттерді (операцияларды) жүзеге асыруды
бастау және кейіннен жүзеге асыру үшін жарамды рұқсатының болуы немесе осы
Заңда белгіленген тәртіппен хабарламалар қабылдауды жүзеге асыратын
мемлекеттік органдарға хабарлама жіберуге міндетті. «Халық денсаулығы және
денсаулық сақтау жүйесі туралы» Қазақстан Республикасының 2020 жылғы 7
шiлдедегi № 360-VI ҚРЗ Кодексінің 24-б., 1-т., 1)т. сәйкес, эпидемиялық мәні
болмашы объектінің қызметі (пайдаланылуы) хабарлама жасау бойынша жүзеге
асырылады.

Хабарлама қалай жіберіледі?
Хабарламаны eGov мобильді қосымшасы арқылы ұялы телефон арқылы беруге
болады. Қосымшада авторизациядан кейін «Қызметтер» бөліміне өтіп, «eLicense»
қойындысын таңдаңыз, содан кейін «Денсаулық сақтау» түймесін басыңыз және
тізімнен «Эпидемиялық маңыздылығы болмашы объектінің қызметінің
(жұмысының) басталуы немесе тоқтатылуы туралы хабарламаны» тауып, таңдаңыз,
содан кейін «Қызметке онлайн тапсырыс беру» түймесін басыңыз, содан кейін
объектіңіздің деректемелерін толтырыңыз. Барлық деректерді толтырғаннан кейін
оны ЭЦҚ-пен қол қою арқылы жіберіңіз. Өңдеуден кейін хабарламаның өзі сіздің
жеке кабинетіңізге жіберіледі.
«Әкімшілік құқық бұзушылық туралы» Қазақстан Республикасының 2014 жылғы 5
шілдедегі № 235-V ҚРЗ Кодексінің 463-б., 1-т. сәйкес, тіркеу, рұқсат беру,
хабарлама жіберу мiндеттi болған жағдайларда, тiркеусiз, рұқсатсыз, сол сияқты
хабарлама жібермей кәсiпкерлiк немесе өзге де қызметпен айналысу, сондай-ақ
әрекеттердi (операцияларды) жүзеге асыру, егер бұл әрекеттерде қылмыстық
жазаланатын іс-әрекет белгiлерi болмаса – әкiмшiлiк құқық бұзушылықтар жасау
заттары және (немесе) құралы тәркiлене отырып не онсыз, жеке тұлғаларға – он бес,
лауазымды адамдарға, шағын кәсiпкерлiк субъектiлерiне немесе коммерциялық емес
ұйымдарға – жиырма бес, орта кәсіпкерлік субъектілеріне – қырық, iрi кәсiпкерлiк
субъектiлерiне бір жүз елу айлық есептiк көрсеткiш мөлшерiнде айыппұл салуға
әкеп соғатына ескертеміз.
Жылдың басынан басқармаға эпидемиялық маңыздылығы болмашы объектінің
қызметін (пайдалануын) бастағаны туралы 12 хабарлама түсті.

Науырзым АСЭББ