Балаларға арналған 100 кітаптың тізімі
Мәдениет және спорт министрлігінің ұсынысымен «2021 – Қазақстандағы балалар мен жасөспірімдердің кітап оқуын қолдау жылы» аясында «Алтын сақа» балалар баспасынан 100 кітап жарыққа шығып, тұсаукесері өтті.
Онлайн форматта өткен іс-шараға Мәдениет және спорт министрі Ақтоты Райымқұлова, Мәдениет және спорт министрінің кеңесшісі Мәлік Отарбаев, «Алтын сақа» балалар баспасының директоры Қанат Ибрагимов, баспаның бас редакторы Саят Қамшыгер, «Балдырған» журналының бас редакторы Дүйсен Мағлұмов, «Мөлдір бұлақ» журналының бас редакторы Дәулетбек Байтұрсынұлы, балалар жазушысы Мейіржан Жылқыбай, Серікбол Хасан, балалар әдебиетінің және БАҚ өкілдері қатысқан.