Науырзым мемлекеттік табиғи қорығының құрылуының 90 жылдығына арналған «Қостанай облысының биоалуантүрлілігі» онлайн дөңгелек үстел

2021 жылдың 25 ақпанында Қостанай облыстық тарихи-өлкетану музейі Науырзым мемлекеттік табиғи қорығының құрылуының  90 жылдығына арналған «Қостанай облысының биоалуантүрлілігі» атты онлайн  дөңгелек үстел өткізді.

Дөңгелек үстелге қатысушылар: Науырзым мемлекеттік табиғи қорығының директоры Қойлыбаев Дулат Ғауезханұлы; құландарды қайтара жерсіндіру орталығының жетекшісі, Қазақстанның биоалуантүрлілігі қауымдастығының мүшесі Салемгареев Альберт; «Алты Сай» экопаркінің директоры, Қазақстанның биоалуантүрлілігі қауымдастығының мүшесі, жануарлар әлемін бақылау бойынша жетекші маман  Тимошенко Алексей Юрьевич; Науырзым қорығының ғылыми қызметкері Батряков Ришат Рифкатович;  энтомолог Мариненко Татьяна Геннадьевна; биолог-өлкетанушы Иванова Татьяна Львовна; “Bestkz” туризм және білім беру орталығы экскурсиялық бюросының басшысы Гумиров Валерий;  А.Байтұрсынов атындағы Қостанай өңірлік университетінің магистранттары Осипова Диана Ерболқызы, Сафина Анар Жанбайқызы; Франциск Скорина атындағы Гомель мемлекеттік  университетінің студенттері Карпенко Николай Игоревич, Куропаткина Татьяна Ивановна.

Дөңгелек үстелді Қостанай облыстық тарихи-өлкетану музейінің басшысының орынбасары Э.Е. Алшимова құттықтау сөзімен ашты. Қатысушылардың баяндамаларында биоалуантүрлілікті сақтаудың маңыздылығы - жануарлар, өсімдіктер, ландшафттар және экожүйелер түрлерінің көптігі айтылды. Биоалуантүрлілікті сақтау тек табиғатты қорғаудың бағыты емес, ол адамзаттың тұрақты даму қағидатына көшуінің жалпы тұжырымдамасының ажырамас бөлігі болып табылады. Биоалуантүрлілікті сақтаудың негізгі орталықтары ерекше қорғалатын табиғи аумақтар болып табылады. Наурзум қорығы аймақтағы биоалуантүрлілікті сақтауда жетекші рөл атқарады.