Серәлі Қожамқұлов туралы «Алау» телеарнасының «Өмір ағымы» бағдарламасының «Көненің көзі» айдарында

Серәлі Қожамқұлов туралы «Алау» телеарнасының «Өмір ағымы» бағдарламасының «Көненің көзі» айдарында

2021 жылдың 19 ақпанынында Қостанай облыстық тарихи-өлкетану музейінің қызметкері «Алау» телеарнасының «Өмір ағымы» бағдарламасының «Көненің көзі» айдарында ұлттық кәсіби театр өнерінің негізін салушылардың бірі, Қазақ КСР халық артисі, Социалистік Еңбек Ері Серәлі Қожамқұловтың музей қорынан фотоматериалдары, құжаттары және жеке заттарымен  таныстырды.

Серәлі (Серке) Қожамқұлов 1896 жылы Торғай облысының Шұбар болысындағы 13-ауылда (қазіргі Қостанай облысының Қарабалық ауданында) дүниеге келген. Қазақстандағы драмалық театр өнерінің негізін салушылардың бірі.  

1919 жылы Ә.Жангелдиннің отрядында қатардағы қызыл жауынгер болды. “Қызыл керуен” труппасында өнер көрсетеді. 1925 жылдан Қазақ мемлекеттік драма театрында актер және режиссер болып қызмет етті. Қазақ драма театрының алғашқы көркемдік жетекшілерінің бірі. Театр мен кинодағы 50 жылдық қызметінде 200-ге жуық рөлді сомдады.

Бірнеше рет КСРО және Қазақ КСР-нің Мемлекеттік сыйлықтарымен, орден, медальдармен марапатталды. Қостанай қаласының құрметті азаматы.  

Көрермендерге сахна өнерінің саңлағы С.Қожамқұловтың өмірі мен қызметі туралы мол мағлұматтар берілді.