2024 жылы байланыс операторларымен жасалған меморандумдар аясында облыстың 44 ауылдық елді мекенінде антенна-мачталық құрылыстардың құрылысы аяқталды

Бүгінгі таңда 43 ауылда мобильді байланыс іске қосылды.
Сонымен қатар, байланыс операторлары тұрғындардың сигналды күшейту үшін лицензияланбаған жабдықты, атап айтқанда репитерлерді қолдануына байланысты базалық станциялардың жұмысында кедергілерді тіркеуде.
Мұндай құрылғыларды қолдану базалық станциялардың жұмысына айтарлықтай кедергі келтіріп, тек жеке пайдаланушыға ғана емес, бүкіл елді мекенге байланыс сапасының нашарлауына әкелетінін атап өткен жөн.
Сіздерді базалық станциялардың жұмысына кедергі келтіріп, байланыс сапасын нашарлататын сертификатталмаған күшейткіштер мен репитерлерді пайдаланудың жол берілмейтіні туралы хабардар етеміз.