Тоқаев ОА және РФ елдерінің экологиялық мәселелер жөніндегі Министрлер Кеңесін құруды ұсынды

Президент Қасым-Жомарт Тоқаев "Орталық Азия-Ресей" екінші саммитіне қатысты.

Қазақстан Президенті өз сөзінде өңір елдері бұрын-соңды болмаған экологиялық сын-қатерлерге тап болғанын атап өтті. Оларды еңсеру үшін Үкімет басшылары мен бейінді ведомстволар деңгейінде жүйелі қадамдар, Үйлестірілген шешімдер мен шаралар қажет.

"Осыған байланысты Орталық Азия және Ресей елдерінің экологиялық мәселелер жөніндегі Министрлер Кеңесін құру ұсынылады. Менің ойымша, трансшекаралық өзендер мен Каспий теңізінің жағдайы ерекше назар аударуды талап етеді. Бұл күрделі мәселені шешуге Каспийдің су ресурстарын сақтау жөніндегі мемлекетаралық бағдарламаны іске асыру ықпал ететін болады. Су қауіпсіздігінің қазіргі жағдайы да алаңдатпайды. Сондықтан су ресурстары мен ауыл шаруашылығы жерлерінің жай – күйін объективті бағалау, сондай-ақ төтенше жағдайларды болжау үшін спутниктер топтамасын пайдалана отырып, ғарыштық мониторингтің бірлескен бағдарламасын дайындау және іске асыру ұсынылады", - деп атап өтті Қазақстан Президенті.