Сауданы дамыту және отандық өндірушілердің позицияларын нығайту

Қазақстан Республикасының Президенті Қасым-Жомарт Тоқаевтың «Әділ Қазақстан: Заң және тәртіп, экономикалық өсу, қоғамдық оптимизм» Жолдауында сауданы дамыту және елдің экспорттық әлеуетін кеңейту мемлекеттік саясаттың басым бағыттары ретінде белгіленген. Мемлекет басшысы нақты міндеттер қойды-отандық өндірушілердің позициясын нығайту, шикізаттық емес экспорттың көлемін ұлғайту және шағын және орта бизнес үшін қолайлы жағдайлар жасау.

Мемлекет басшысының тапсырмаларын орындау аясында Қостанай ауданында экспорттық әлеуетті дамытуда оң динамика байқалады. Экспорттың негізін ауыл шаруашылығы өнімдері, атап айтқанда астық, сондай-ақ ет пен ұн құрайды. Аудандағы экспортқа бағдарланған кәсіпорындардың саны жыл сайын артып келеді, бұл сыртқы нарықтарға деген қызығушылықтың артып келе жатқанын көрсетеді.

Ішкі нарықты қорғау және отандық өндірушілерді қолдау жөніндегі үкіметтік шаралар да ауданымыздың жұмысында көрініс тапты. Отандық тауар өндірушілердің бірыңғай тізілімін құру және қазақстандық өнім үшін сөре кеңістігінің кемінде 50% қамтамасыз ету жергілікті бизнесті дамытуға және оның экспорттық мүмкіндіктерін кеңейтуге ықпал етеді.

Өнімнің сапасы мен тауарлардың қауіпсіздігіне ерекше назар аударылады: бақылаушы органдармен бірлесіп экспорттық өнімі бар көліктер тексеріледі, бұл сыртқы нарықтардағы тәуекелдерді азайтуға және серіктестердің сенімін нығайтуға мүмкіндік береді.

Экспорттаушыларды қолдау үшін Қостанай ауданында экспорттық-кредиттік агенттіктің қаржы құралдары белсенді пайдаланылуда, бұл көлемді ұлғайтуға мүмкіндік берді.

Осылайша, Қостанай ауданы экспорттық әлеуеттің тұрақты өсуін көрсетіп отыр, бұл билік, бизнес және мемлекеттік қолдау институттарының кешенді жұмысының нәтижесі болып табылады.