2025 жылғы 17 шілдеден 19 шілдеге дейін Қостанай қаласы аумағында «Назар аударыңыз — жаяу жүргінші!» жедел-профилактикалық іс-шарасы (ЖПІШ) өткізіледі.

Аталған ЖПІШ-тің негізгі мақсаты — жаяу жүргіншілердің қатысуымен болатын жол-көлік оқиғаларының алдын алу, азаматтардың құқықтық санасын арттыру және жол қозғалысы қауіпсіздігін қамтамасыз ету.

Іс-шара барысында жол қозғалысы ережелерін көлік жүргізушілері мен жаяу жүргіншілер тарапынан бұзушылықтарды анықтау және жолын кесу жұмыстарына ерекше назар аударылады. Сондай-ақ, ЖПІШ өткізу кезеңінде жол қозғалысына қатысушылармен жол қозғалысы ережелерін сақтау мәселелері бойынша түсіндіру жұмыстары жүргізіледі.

Қала тұрғындары мен қонақтарын аталған іс-шараларға түсіністікпен қарап, жол қозғалысы ережелерін қатаң сақтауға шақырамыз.