Қазақстан халқының бірлігі – тұрақты болашақтың негізі

Қазақстан халқының бірлігі – тұрақты болашақтың негізі

17 маусым күні Қостанай ауданында ұлтаралық және конфессияаралық келісімді нығайтуға бағытталған жоба аясында «БК СтройПром» ЖШС еңбек ұжымымен кездесу өтті.

Іс-шараның спикері ретінде діни экстремизмнің алдын алу жөніндегі облыстық ақпараттық-түсіндіру тобының мүшесі Руслан Мұрзағалиев сөз сөйледі. Кездесу барысында ол Қазақстан халқының этносаралық бірлігі мен келісімінің негіздері туралы айтып, өзара құрмет, толеранттылық және мәдени әралуандықты сақтау қоғам тұрақтылығы мен елдің өркендеуінің маңызды шарттары екенін атап өтті.

Спикер әрбір азаматтың ұлтаралық татулықты нығайтудағы рөліне, этникалық және діни негіздегі жанжалдардың алдын алуға, сондай-ақ келісім мен өзара түсіністік мәдениетін қалыптастырудағы дәстүрлі рухани-адамгершілік құндылықтардың маңыздылығына ерекше назар аударды.

Кездесуге қатысушылар қоғамдық келісімнің өзекті мәселелерін талқылап, пікір алмасты және өздерін қызықтырған сұрақтарға жауап алды.

Іс-шара Қостанай ауданы әкімдігінің Ішкі саясат бөлімінің тапсырысы бойынша «Қостанай облысы психологтарының қауымдастығы» ҚҚ ұйымдастыруымен өткізілді.