Александровкада «Таза Қазақстан» акциясы аясында ауылдың келбеті жақсарды

Қостанай ауданы Александровка ауылында елді мекеннің сыртқы келбетін жақсарту бойынша іс-шаралар жүзеге асырылды. «Таза Қазақстан» акциясы аясында және облыс әкімінің тапсырмаларын орындау мақсатында тоғыз ескірген және Апатты ғимараттарды бұзу жұмыстары жүргізілді.

Бұл ғимараттар ұзақ жылдар бойы қараусыз қалды, мақсатына сай пайдаланылмады және балалар мен жергілікті тұрғындарға қауіп төндірді. Сонымен қатар, олар ауылдың сыртқы түрін бұзып, аумақты абаттандыруға кедергі келтірді.

Апаттық нысандарды бұзу тәртіпті қалпына келтірудегі және қауіпсіздік деңгейін жақсартудағы маңызды қадам болды. Босатылған учаскелерде абаттандыру бойынша одан әрі жұмыстар жүргізу жоспарлануда: аумақты тазарту, көгалдандыру және ауыл тұрғындарының жайлы тұруы үшін жағдай жасау.

Александровка тұрғындары мұндай шаралар ауылды таза, заманауи және тартымды ететінін атап өтті.

«Таза Қазақстан» акциясы жалғасуда және оның басты мақсаты – мемлекет пен халықтың қоршаған ортаны қорғау, санитарлық жағдайды жақсарту және өмір сүруге қолайлы жағдай жасау ісіндегі күш-жігерін біріктіру.

Александровка ауылдық округі әкімінің аппараты жұмыстарды жүргізуге қатысқан және туған ауылын абаттандырудың жалпы ісіне үлес қосқан барлық адамдарға алғысын білдіреді.