Қостанай ауданында 100-ден астам адам «Таза ойындарға» қатысты

«Таза Қазақстан» республикалық акциясы аясында Орманды қоқыстан қорғауға оқушылардан бастап мемлекеттік қызметшілерге дейін 100 – ден астам адам қатысты. Олар жергілікті тұрғындар жиі демалатын Садчиковка жолының бойындағы орман алқабындағы қоқыстарды тазартты.

Қатысушылар 5-6 адамнан тұратын командаларға бөлінді, барлығы 19 команда болды. Қатысушылардың  көп бөлігін  «Жасыл ел» жасағының балалары құрады. Олар айтқандай, тағдырдың өзі олардың «Таза ойындарға» қатысуын қалаған!

Қатысушыларға қоқыс жинауға 40 минут уақыт берілді. Осы уақыттан кейін нәтижелерді санау басталды.

Қатысушылар орманда картон, пластик және шыны бөтелкелер жинады. Мұның бәрін, өкінішке орай, табиғатты аялай алмайтын азаматтар демалыстарын өткізгеннен кейін қалдырып кетеді.

Іс-шара қорытындысы бойынша жүргізуші Евгений Сотников жеңімпаздарды жариялады:

• 3 орынды 75 баллмен мәдениет бөлімінің командасы иеленді;
• 2 орын және 78 балл – Мансап орталығы командасында;
• Бірінші орынды 98 баллмен білім бөлімінің командасы жеңіп алды! Ұпай жағынан басқа жеңімпаздарға қарағанда айырмашылық жоғары. Бұл ұжымның «Таза ойындардағы» екінші жеңісі!

Үздік командалар пицца тағамдарымен, сыйлықтармен, қайта пайдалануға болатын спорттық су бөтелкелерімен, шопперлермен және табиғатты қорғайтындар үшін экологиялық таза заттармен марапатталды.

Бұл жолы, Наурызбек Бірмағамбетов атап өткендей, барлық жиналған қоқыстарды қайта өңдеуге беру нәтиже  бермейді, ол жай ғана полигонға барады. Бірақ бұл қазірдің өзінде қоршаған ортаны сақтауға үлкен үлес.

Іс-шара Қостанай ауданы әкімдігінің ішкі саясат бөлімінің тапсырысы бойынша «Қостанай ауданында «Таза Қазақстан» жалпыұлттық бағдарламасын ұйымдастыру және идеологиялық сүйемелдеу»  жобасы шеңберінде ұйымдастырылды.