ИП «Меруерт»

Ерлі-зайыптылар Арман Жақсылық пен Меруерт Күлсерікова – дәрігерлер. Меруерт– реабилитолог, Арман – балалар хирургы. Өздерінің медициналық орталығын ашу олардың көптен бергі арманы еді. Ал мемлекеттің қолдауының арқасында бұл арман орындалды.
2020 жылы «Меруерт» ЖК Арқалық қаласында «Zhaksylyk» оңалту орталығын ашуға «Бизнестің жол картасы» бағдарламасы аясында 5 млн.теңгеге грант алды. Бөлінген қаражатқа ерлі-зайыптылар қызметтердің кең спектрін көрсету үшін оған модульдер жиынтығы бар аралас физиотерапия аппаратын сатып алды, ал кәсіби медициналық қызметтер көрсетуге лицензия алу үшін 2020 жылы ЖК «Арман-Меруерт» ЖШС-не трансформацияланды.
Алдымен кәсіпкерлер медициналық орталыққа арналған орынды жалға алды, бірақ өткен жылы олар өз ғимараттарын сатып ала алды.
Өз бизнесінің әлеуметтік бағытын ескере отырып, 2024 жылы «Арман-Меруерт» ЖШС әлеуметтік кәсіпкерлік субъектілерінің тізіліміне енгізілді, осының арқасында ерлі-зайыптылар оңалту орталығын кеңейту және механикалық араласусыз оптикалық жүйе мен жоғары ажыратымдылықтағы бейнекамералардың арқасында ЛОР мүшелерінің ең кішкентай патологияларын анықтау үшін пайдаланылатын ЛОР комбайнын сатып алу үшін гранттық қаржыландыру конкурсына қайта қатысты.
Бүгінде орталықта 25 адам жұмыс істейді, өткізу қабілеті – күніне 50-60 емделуші. Орталықта PRP-терапия, емдік дене шынықтыру, массаж, электрофорез және т. б. қызметтер көрсетіледі.