2023 жылғы 26 мамырда Қостанай облыстық мәслихатының тұрақты комиссияларының бірлескен отырысы болды. Күн тәртібінде «Қостанай облысының 2022 жылға арналған облыстық бюджетін атқару туралы» мәселесі қаралды.
2022 жылдың қорытындысы бойынша бюджеттің кіріс бөлігі 426,2 млрд. теңгені құрады, жоспар 102,2%-ға орындалды, шығыстар 422,4 млрд. теңге сомасында қалыптасып, жоспардың 99,9%-ын құрады.
Облыстық бюджет әлеуметтік-бағытталған бюджет болып табылады, осыған байланысты 2022 жылға арналған шығыстар құрылымында әлеуметтік салаға арналған шығыстар үлесі 45,5% құрайды.
Әлеуметтік саладан басқа, 2022 жылғы шығыстардың айтарлықтай үлесі, атап айтқанда 160,8 млрд. теңге немесе 38,1% экономиканың нақты секторы шеңберінде жүзеге асырылатын, халықтың өмір сүру жағдайларын жақсартуға байланысты шығыстарға бағытталды.