2025 жылғы ұлттық ауылшаруашылық санағы

Құрметті тұрғындар, жеке кәсіпкерлер мен ауыл шаруашылығы өнімдерін өндірушілер!

 

2025 жылғы 1-31 тамыз аралығында Қазақстан Республикасы аумағында заңды тұлғалар, жеке кәсіпкерлер, егіншілік, мал шаруашылығы және балық шаруашылығымен айналысатын шаруа және фермер қожалықтары үшін sanaq.gov.kz сайты арқылы онлайн форматта өткізілетін Ұлттық ауыл шаруашылығы санағының негізгі кезеңі басталады.

Ұлттық ауыл шаруашылығы санағына онлайн форматта барынша қатысуды қамтамасыз ету Қостанай облысының жоғары деңгейдегі цифрлық трансформациясын және дамыған цифрлық инфрақұрылымын көрсетуге мүмкіндік береді.

- Облыстағы барлық ауыл шаруашылығы құрылымдары үшін Ұлттық ауыл шаруашылығы санағына қатысу онлайн форматта sanaq.gov.kz сайтында сауалнаманы өз бетінше толтыру арқылы жүзеге асырылады;

- Халықтың жеке қосалқы шаруашылықтары үшін Ұлттық ауыл шаруашылығы санағына қатысу sanaq.gov.kz сайтында сауалнаманы өз бетінше толтыру арқылы онлайн форматта жүргізіледі;

Сіздің Ұлттық ауыл шаруашылығы санағына белсенді қатысуыңыз – ауыл шаруашылығын дамыту және тиімді мемлекеттік шешімдер қабылдау үшін қажетті нақты статистиканы қалыптастыруда аса маңызды.