Ауылдық округ әкімдерімен және жергілікті мемлекеттік мекемелердің басшыларымен кеңейтілген отырыс өтті.

Қарасу ауданының әкімі Қайрат Темірханұлы Оспанов ауылдық округ әкімдерімен және жергілікті мемлекеттік мекемелердің басшыларымен кеңейтілген отырыс өткізді.

Қазақстан Республикасының Президенті белгілеген "Заң мен тәртіп" идеологемасы аясында аудан прокуроры аудан әкімдігімен және аудан прокуратурасымен бірлесіп әзірленген цифрлық жобаны — аудан тұрғындары үшін әлеуметтанулық онлайн-сауалнаманы таныстырды. Бұл онлайн-сауалнама толығымен анонимді болып табылады, бұл жедел және объективті кері байланыс алуға мүмкіндік береді, сондай-ақ мемлекеттік органдардың халықпен тікелей өзара іс-қимыл жасау мүмкіндіктерін кеңейтеді.

Онлайн-сауалнама Қарасу ауданы әкімдігінің ресми сайтында орналастырылған және мемлекеттік органдар жұмысының сапасын арттыруға бағытталған.

Отырыс барысында денсаулық сақтау, білім беру салаларындағы, сондай-ақ аудан аумағында қоғамдық тәртіпті қамтамасыз ету және құқық бұзушылықтардың алдын алу бойынша полиция бөлімінің жұмысындағы өткен 2025 жылғы қызметінің қорытындысы шығарылды. Бейіндік бөлімшелердің басшылары қол жеткізілген нәтижелер туралы баяндап, алдағы кезеңге арналған проблемалық мәселелер мен басым міндеттерді белгіледі.

Отырыс соңында Жамбыл және Октябрь ауылдық округтерінің әкімдері баяндама жасап, атқарылған жұмыстар, елді мекендерді одан әрі дамытудың ағымдағы міндеттері мен жоспарлары туралы ақпарат берді.

Отырыс қорытындысы бойынша аудан әкімі Қ. Т. Оспанов жұмыстың тиімділігін арттыруға және аталған мәселелерді шешуге бағытталған нақты тапсырмалар берді.