"Ауыл құтқарушылары"ведомстволық бағдарламасы аясында жұмыс кездесуі өтті.

Қостанай облысы бойынша Төтенше жағдайлар департаменті бастығының орынбасары А.Б. Төлендинмен жұмыс кездесуі өтті, оның барысында алдағы өрт қауіпті кезеңде өрт қауіпсіздігін қамтамасыз ету мәселелерін қоса алғанда, аудандағы ағымдағы жағдай талқыланды.

Басым бағыттардың бірі ретінде ерікті өртке қарсы құралымды құруға ерекше назар аударылды. Мұндай жобаны Қарасу ауданының ауылдық округтерінің бірінің аумағында іске асыру туралы уағдаластыққа қол жеткізілді.

Кездесу қорытындысы бойынша "Ауыл құтқарушылары"ведомстволық бағдарламасы аясында Қарасу ауданының жергілікті атқарушы органдарының өрт сөндіру пункттерін дамытудың 2025 жылға арналған жоспары бекітілді.