«Өрнек ауылдық округі әкімінің аппараты» ММ-нің 2024 жылға мемлекеттік қызмет көрсету бойынша жұмысы туралы есеп

Жалпы ережелер

1) Қызмет көрсетуші туралы мәліметтер.

«Өрнек ауылдық округі әкімінің аппараты» мемлекеттік мекемесі өз қызметін Қазақстан Республикасының Конституциясына және заңдарына, Қазақстан Республикасының Президенті мен Үкіметінің актілеріне, өзге де нормативтік құқықтық актілерге, сондай-ақ ережеге сәйкес жүзеге асырады.

«Әкімшілік рәсімдер туралы» ҚР Заңына сәйкес мемлекеттік қызмет көрсету Жеке және заңды тұлғалардың қажеттіліктерін қанағаттандыруға бағытталған мемлекеттік органдардың қызметі болып табылады.

Орталық және жергілікті атқарушы органдар көрсететін 8 қызмет енгізілген мемлекеттік қызметтер тізілімі Қазақстан Республикасының цифрлық даму, инновациялар және аэроғарыш өнеркәсібі министрінің міндетін атқарушының 2020 жылғы 31 қаңтардағы № 39/НҚ бұйрығымен бекітілген.

 

2) Мемлекеттік қызметтер туралы ақпарат.

 

Өрнек ауылдық округі әкімінің аппараты 2024 жылы келесі мемлекеттік қызмет түрлерін көрсетті:

1. Жер учаскесінің нысаналы мақсатын өзгертуге шешім беру
2. Елді мекендер шегінде объектілер салу үшін жер учаскелерін беру
3. Сауда-саттықты (конкурстарды, аукциондарды) өткізуді талап етпейтін мемлекет меншігіндегі жер учаскелеріне құқықтарды алу
4. Жер учаскесін жекеменшікке ақысын бірден төлеп не бөліп төлеуге сату
5. Жер учаскесін алу үшін кезекке қою.

 «Өрнек ауылдық округі әкімінің аппараты» ММ көрсететін барлық қызметтерге қағидалар мен стандарттар бекітілді.

 

3)Талап етілетін мемлекеттік қызметтер туралы ақпарат.

 

2024 жылы жүргізілген талдау нәтижесі бойынша ауылдық округ әкімі аппаратымен 1 (2023 жылы –0) жер қатынастары саласында мемлекеттік қызмет көрсетілді, оның ішінде:

1.Есепті кезеңде «Сауда-саттықты (конкурстарды, аукциондарды) өткізуді талап етпейтін мемлекет меншігіндегі жер учаскелеріне құқықтарды алу»– 1, (2023 – 0);

 

Жыл бойы өзіне – өзі қызмет көрсету бұрышында округ тұрғындары өз бетінше: «ЭЦҚ-ны қашықтан алу», «Жеке тұлғалар үшін онлайн ЭЦҚ ұзарту», Заңды тұлғалар үшін электрондық цифрлық қолтаңбаны онлайн жаңарту», «Өтініш берушінің (отбасының) атаулы әлеуметтік көмек алушыларға жататындығын растайтын анықтама беру», «Қазақстан Республикасының аумағында жылжымайтын мүлік объектілерінің мекенжайын айқындау бойынша анықтама алу», «Жұмыссыз ретінде тіркелгендігі туралы анықтама беру», «Жеке тұлғаның жылжымайтын мүлiктiң болмауы (болуы) туралы анықтама беру», «Сотталғандығы болуы не болмауы туралы анықтама беру сияқты қызметтерді өз бетінше алды».

 

 

2.Қызмет алушылармен жұмыс.

 

1)Мемлекеттік қызметтер көрсету тәртібі туралы ақпаратқа қол жеткізу көздері мен орындары туралы мәліметтер.

 

Мемлекеттік қызмет көрсету тәртібі туралы ақпарат Қазақстан Республикасы нормативтік құқықтық актілерінің «Әділет» ақпараттық-құқықтық жүйесінде, Қарабалық ауданының интернет-ресурсында, ауылдық округ әкімі аппаратының ғимаратында стендтік материал орналастырылған, онда келушілерге мемлекеттік қызметтерді Халыққа қызмет көрсету орталықтары, «Электрондық үкімет» порталы арқылы алу мүмкіндіктері туралы ақпарат, бұқаралық ақпарат құралдарында – «Айна» аудандық газеті орналастырылған. «Электрондық Үкімет» порталы арқылы өз бетінше қызмет алу үшін «Өзіне-өзі қызмет көрсету бұрышы», мемлекеттік қызметтер тізбесі, негізгі ұғымдар, жалпы ережелер, мемлекеттік қызмет көрсету процесінде іс-қимылдың сипаттамасы мен тәртібі көрсетілген ақпараттық үстел бар, мемлекеттік және орыс тілдерінде баршаға көрінетіндей қолжетімді жерде орналасқан.

 

2)Мемлекеттік көрсетілетін қызметтер стандарттарының жобаларын жария талқылау туралы ақпарат.

 

«Мемлекеттік көрсетілетін қызметтер туралы» 2013 жылғы 15 сәуірдегі Қазақстан Республикасы Заңының 11-бабына сәйкес мемлекеттік көрсетілетін қызметтер стандарттарының жобаларына жария талқылаулар өткізу облыстардың, республикалық маңызы бар қалалардың, астананың, аудандардың, облыстық маңызы бар қалалардың жергілікті атқарушы органдарының, қаладағы аудандар, аудандық маңызы бар қалалар, кенттер, ауылдар, ауылдық округтер әкімдерінің құзыретіне кірмейді.

 

3)Мемлекеттік қызметтер көрсету процесінің ашықтығын қамтамасыз етуге бағытталған іс-шаралар (түсіндіру жұмыстары, семинарлар, кездесулер, сұхбат және басқалар).

 

Қарабалық ауданы әкімі аппараты тарапынан мемлекеттік қызмет көрсету мәселелері бойынша үйлестіру және жалпы әдістемелік басшылық, ай сайынғы мониторинг және бақылау, сондай-ақ жоғары тұрған органдармен өзара іс-қимыл қамтамасыз етілген.

Халық арасында түсіндіру жұмыстары тұрақты негізде WhatsApp мессенджері арқылы, сондай-ақ әкімнің әлеуметтік желілердегі парақшаларында, Халыққа қызмет көрсету орталықтары, «электрондық үкімет» порталы және eGov mobile мобильдік қосымшасы арқылы мемлекеттік қызметтерді алу мүмкіндігі бөлігінде мемлекеттік қызметтер көрсету процестерін оңтайландыру және автоматтандыру бойынша жүргізіледі.

Мемлекеттік қызметтер көрсету сапасына бақылау жүргізу, мемлекеттік қызметтер көрсету сапасына бағалау және қоғамдық мониторинг жүргізу қағидаттарға негізделеді:

1) заңдылық;

2) объективтілік;

3) бейтараптық;

4) шынайылық;

Халықтың мемлекеттік қызмет көрсету сапасына қанағаттану деңгейін арттыру үшін жер бойынша Мемлекеттік қызметтер электрондық форматқа көшірілді, бұл туралы ауылдық округ тұрғындары хабардар етілді. Электрондық форматтағы мемлекеттік қызметтер азаматтардың оларды алуын жеңілдетеді.

Тұрғындар арасында ПЭП-те жұмыс істеу үшін ЭЦҚ алу туралы түсіндіру жұмыстары жүргізілуде.

Халыққа ЭЦП алуға ыңғайлы болу үшін, ҚКО-ға жоспардан тыс үш рет бару ұйымдастырылды.

Ауылдық округ әкімдігімен көрсетілетін мемлекеттік қызметтер сапасының деңгейін одан әрі арттыру және қызмет алушыларға қолайлы жағдай жасау мақсатында, орынды деп санаймыз:

- Мемлекеттік қызмет көрсету мерзімдерін бұзу фактілеріне жол бермеу бойынша жұмыс жүргізу;

Тиімділікті бағалау критерийлерінің бірі уақтылы және сапалы қызмет көрсету, азаматтардың қанағаттану деңгейін арттыру болып табылады.

 

3.Мемлекеттік қызметтер көрсету процестерін жетілдіру жөніндегі қызмет.

1)Мемлекеттік қызметтер көрсету процестерін оңтайландыру және автоматтандыру нәтижелері.

 

2024 жылы мемлекеттік қызметтер көрсету процестерін оңтайландыру және автоматтандыру жүргізілген жоқ.

 

2)Мемлекеттік қызметтер көрсету саласындағы қызметкерлердің біліктілігін арттыруға бағытталған іс-шаралар.

 

2024 жылы ауылдық округ әкімдігінің маманы, тамыз айында мемлекеттік қызмет көрсету саласында біліктілікті арттыру курстарынан өтті.

 

3)Мемлекеттік қызметтер көрсету процестерін нормативтік-құқықтық жетілдіру.

 

2024 жылы мемлекеттік қызметтер көрсету процестерін нормативтік-құқықтық жетілдіру болған жоқ.

 

4.Мемлекеттік қызмет көрсету сапасын бақылау.

 

1)Мемлекеттік қызметтер көрсету мәселелері бойынша көрсетілетін қызметті алушылардың шағымдары туралы ақпарат.

 

Ауылдық округ әкімінің аппаратына жеке және заңды тұлғалардан мемлекеттік қызмет көрсету мәселелері бойынша шағымдар түскен жоқ.

 

2)Мемлекеттік қызмет көрсету сапасын ішкі бақылау нәтижелері.

 

Ауылдық округ әкімінің аппаратында ай сайын ұсынылатын мемлекеттік қызметтердің сапасына ішкі бақылау бойынша есеп қалыптастырылады, кейіннен оны Қарабалық ауданы әкімінің аппаратына ұсынады. 2024 жылдың есепті кезеңінде мемлекеттік қызмет көрсету кезінде мерзімдерді бұзу жоқ.

 

3)Мемлекеттік қызметтер көрсету сапасын бағалау және бақылау жөніндегі уәкілетті орган жүргізген мемлекеттік қызметтер көрсету сапасын бақылау нәтижелері.

 

2024 жылы мемлекеттік қызметтер көрсету саласында Қазақстан Республикасы заңнамасының сақталуын бақылау шаралары жүргізілген жоқ.

 

4)Мемлекеттік қызметтер көрсету сапасына қоғамдық мониторинг нәтижелері.

 

2024 жылы Мемлекеттік қызмет көрсету сапасына қоғамдық мониторинг жүргізілген жоқ.

 

5.Мемлекеттік қызметтер көрсетудің одан әрі тиімділігінің перспективалары және сапасына көрсетілетін қызметті алушылардың қанағаттануын арттыру.

 

Қызмет алушылардың мемлекеттік қызмет көрсету сапасына қанағаттану деңгейін арттыру мақсатында мақсатты жұмыс жүргізілуде.

- мемлекеттік қызмет көрсету мерзімдерін бұзуға жол бермеу;

- халықты стендтер, WhatsApp мессенджері, БАҚ және ресми интернет-ресурстар арқылы мемлекеттік қызмет көрсету тәртібі туралы уақтылы хабардар ету, мамандармен семинарлар өткізу;

- көрсетілетін қызметті алушыларды мемлекеттік көрсетілетін қызметтерді мемлекеттік корпорация, «электрондық үкімет» порталы арқылы алу мүмкіндіктері туралы танымал ету және хабардар ету жөніндегі іс-шараларды жүргізу.