Білім беру және тәрбиелеу ұйымдарында тамақтану стандартының енгізілуі.

2026 жылғы 1 қыркүйектен бастап білім беру және тәрбиелеу ұйымдарында жаңа тамақтану стандарты енгізіледі, ол сапалы және теңгерімді тамақтануды қамтамасыз ету мақсатында, сондай-ақбілім беру ұйымдарында тамақтануды ұйымдастыру механизмдерін жетілдіру мақсатында әзірленген.

Жоб абілім беру және тәрбиелеу ұйымдарында тамақтанудың біртекті тәсілдерін қамтамасыз етуге мүмкіндік береді, сондай-ақ асханасы жоқ шағын мектептерде тамақтандыруды ұйымдастыру форматын қарастыруды көздейді.

Стандартта дұрыс тамақтануға арналған заманауи халықаралық әдістер негізге алынды.

Негізгі өзгерістер мыналарды көздейді:

(ДДҰ-ның ұсынымы бойынша) Тағамның құрамындағы қантты 3,6 есеге, ал тұзды 5 есеге азайту;

Рационда көкөністердің, жеміс-жидектердің және сүт өнімдерінің үлесін арттыру;

Шұжық өнімдерін, ысталған өнімдерді, спредтерді және құрамындағы қанты мен тұзы көп басқа да өнімдерді мәзірден алып тастау;

Тәтті сусындарды сумен, сүтпен, сүт қышқылы өнімдерімен, жеміс-жидек қосылған шәйлармен және құрамындағы қанты аз компоттармен алмастыру.

Бұданбасқа, Стандартта алғаш реет мынадай жекелеген талаптар қамтылған:

Шағын жинақты мектептерде тамақтануды ұйымдастыруға қойылатын талаптар;

Ерекше диеталық қажеттілігі бар балаларды тамақтандыруға қойылатын талаптар.

Алғаш рет «Жеуге жарамсыздық индексі» деген ұғым енгізілді – бұл тамақ қалдықтарының сандық көрсеткіші, ол:

- берілген тамақты балалар қаншалықты жақсы жейтінін;

- мектепте тамақтануды ұйымдастыру жүйесі қаншалықты тиімді жұмыс істейтінін бағалауға мүмкіндік береді.

Стандарт енгізілуі үшін:

- көп нұсқалы типтік мәзір әзірленді;

- ыстық тамақ дайындамайтын шағын жинақты мектептер үшін алғаш реет арнайы мәзір әзірленді;

- жас ерекшелік қажеттіліктері, калориялық, маусымдық, сондай-ақ ас блогы жоқ мектептердің ерекшелігі ескерілді.

Типтік перспективалық мәзір ұсынымдық сипатта болады және:

• ата-аналар мен балалардың пікірері;

- жергілікті өнімдердің қолжетімділігі ескеріле отырып бейімделеді.

Бүгінгі күні:

- барлық өңірлерде жаңа Стандартқа сәйкес төрт апталық мәзір бекітілді;

- оқу жылы ішінде жеуге жарамсыздық индексін бағалауды қоса алғанда мониторинг жүргізіледі;

- Осы индекс жоғарылаған кезде тамақты қоректік құндылығы бойынша соған ұқсас, бірақ балаларға тиімдірек тамақ пен алмастыруға рұқсат етіледі.