"Таза Қазақстан" бағдарламасы аясында сеңбілік өткізілді.

     28 ақпанда, қыстың соңғы күнінде, республикалық «Таза Қазақстан» бағдарламасы аясында мемлекеттік мекеме қызметкерлері мен қоғамдық жұмысшылар бірлесіп сенбілікке қатысты.
      ​Іс-шара барысында Орталық Арбат аумағында қар тазалау жұмыстары жүргізілді. Сенбілікке қатысушылар қоғамдық кеңістікті тұрғындар үшін жайлы әрі қауіпсіз ету мақсатында жаяу жүргіншілер жолдары мен іргелес аумақты тазалады.
​      Жылы әрі достық ахуалды сақтау үшін қатысушыларға ыстық шай мен бауырсақ ұсынылды. Іс-шара көтеріңкі көңіл-күймен өтіп, елді мекеннің тазалығы мен абаттандырылуына деген ортақ қамқорлықтың жақсы үлгісі болды.