Вакцинация —қызылшаға қарсы халықты қорғау мен алдын алудың негізгі шарасы

Қызылша әлі күнге дейін қоғамдық денсаулыққа елеулі қауіп төндіретін ең жұқпалы вирустық инфекциялық аурулардың бірі болып қала береді. Инфекция ауа-тамшы жолымен беріліп, емітелмеген халық арасында тез таралып, аурудың жұқпалану ошақтары мен ауыр асқынуларды тудыра алады.

Жұқпалану қаупіне балалар, жүкті әйелдер, сондай-ақ иммунитеті әлсіз адамдар ең көп ұшырайды. Қызылша жоғары қызбен, айқын улану белгілерімен, тыныс алу жолдарының зақымдануымен және сипатты тері бөртпесімен өте алады. Мүмкін асқынуларға — пневмония, отит, энцефалит және басқа да ауыр салдарлар жатады.

Қызылшаны алдын алудың негізгі және ең тиімді тәсілі еміту болып табылады. Профилактикалық емітудің Ұлттық күнтізбесіне сәйкес жүргізілетін жоспарлы иммунизация тұрақты иммунитет қалыптастырып, ауруға шалдығу қаупін айтарлықтай төмендетеді. Еміту тек нақты адамды қорғап қана қоймай, сонымен қатар қоғамда инфекцияның таралуына жол бермейтін ұжымдық иммунитетті қалыптастыруға ықпал етеді.

Қызылшаның алдын алу мақсатында еміту мен қайта емітуден өз уақытында өту, алдын алу шараларын сақтау, сондай-ақ аурудың алғашқы белгілері пайда болған кезде медициналық көмекке дереу жүгіну маңызды. Халықты денсаулық пен өмірді сенімді қорғау тәсілі ретінде иммунизацияның маңыздылығы туралы хабардар ету ерекше мәнге ие.

Қызылшаны алдын алу — бұл мемлекеттің, медициналық қауымның және әрбір азаматтың бірлескен жауапкершілігі. Уақтылы еміту эпидемиологиялық қолайлы жағдайды сақтау мен халықтың денсаулығын қорғаудың негізгі шарты болып қала береді.