Отанды сүю - жүректен

Осындай ұранмен 2025 жылғы 4 маусымда Қарабалық кентінің орталық алаңында ҚР Мемлекеттік рәміздер күніне арналған іс-шара өтті, оны өткізу шеңберінде «Қазақстан Республикасының Мемлекеттік Гимнін бір мезгілде орындау» акциясы өтті.  Осы күн бір сағатта Қарабалық ауданының тұрғындары бүкіл елмен бірге мемлекеттің басты әні – ҚР Әнұранын орындады.  Алаңға жиналған жұртшылықты Қарабалық ауданы әкімінің орынбасары  Темірлан Ербосынұлы Ахметов мерекемен құттықтап, сондай - ақ ҚР азаматының жеке куәліктерін, Мемлекеттік рәміздер атрибутикасымен естелік сыйлықтар мен кәдесыйлар табыстады және «Отанды сүю-жүректен» бейне байқауының жеңімпаздарын марапаттады. Іс шара «Көк байрағың желбіреген» әнімен аяқталды