Холераның алдын алу

Холера — Vibrio cholerae бактериясы тудыратын аса қауіпті, жедел ішек инфекциялық ауру. Ауру асқазан-ішек жолдарының зақымдануымен, ауыр диареяның дамуына, ағзаның сусыздануына әкеледі және уақтылы медициналық көмек көрсетілмеген жағдайда өлімге соқтыруы мүмкін.

Қазіргі медицина жетістіктеріне қарамастан, холера әлемнің көптеген елдерінде әлі де өзекті қоғамдық денсаулық сақтау мәселесі болып отыр. Жаһандану, халықтың белсенді көші-қоны және халықаралық туризм жағдайында инфекцияның кез келген ел аумағына әкеліну қаупі бар.

Инфекция көзі — науқас адам немесе қоздырғыш тасымалдаушы. Қоздырғыш сыртқы ортаға науқастың нәжісі мен құсық массалары арқылы бөлінеді.

Инфекцияның негізгі берілу механизмі — фекальды-оральды. Жұқтыру ластанған суды, тағам өнімдерін пайдалану кезінде, сондай-ақ кір қол және тұрмыстық заттар арқылы жүзеге асады.

Әсіресе қауіпті жағдайлар:

белгісіз көздерден алынған қайнатылмаған суды ішу;
ашық су қоймаларынан алынған суды ішуге және тамақ дайындауға пайдалану;
жуылмаған көкөністер мен жемістерді тұтыну;
жеке бас гигиенасы ережелерін сақтамау;
тағам өнімдерін дайындау және сақтау кезінде санитариялық талаптарды бұзу.

Аурудың инкубациялық кезеңі бірнеше сағаттан бес тәулікке дейін созылады. Ауру әдетте жедел басталып, жиі сұйық іш өту, құсу, әлсіздік және ағзаның тез сусыздануымен сипатталады.

Ем жүргізілмеген жағдайда сусыздану өмірлік маңызды мүшелердің қызметінің бұзылуына және өлімге әкелуі мүмкін.

Холераның алдын алудың негізгі негізі — санитариялық-гигиеналық нормаларды қатаң сақтау.

Аурудың алдын алу үшін қажет:

тек қауіпсіз ауыз суды пайдалану;
ішетін су мен тағам дайындауға тек бөтелкедегі немесе қайнатылған суды қолдану;
тамақ ішер алдында, дәретханадан кейін және сырттан келген соң қолды сабынмен мұқият жуу;
көкөністерді, жемістерді, жасыл шөптер мен жидектерді мұқият жуу;
тағамдарды жеткілікті термиялық өңдеуден өткізу;
тағам өнімдерін сақтау ережелерін сақтау;
рұқсат етілмеген сауда орындарынан азық-түлік сатып алмау;
санитариялық талаптарға сай келмейтін су айдындарында шомылудан аулақ болу.

Халық арасында жеке бас гигиенасы дағдыларын қалыптастыруға және денсаулыққа жауапкершілікпен қарауға бағытталған санитариялық-ағарту жұмыстарының маңызы зор.

Холераның таралуының алдын алу үшін санитариялық-эпидемиологиялық қызмет ауыз судың сапасын, сумен жабдықтау және кәріз жүйелерінің жағдайын тұрақты бақылауда ұстайды, сондай-ақ инфекциялық аурушаңдыққа мониторинг жүргізеді.

Жедел ішек инфекциясының белгілері пайда болған жағдайда дереу медициналық көмекке жүгініп, өздігінен емделмеу қажет.

Жеке бас гигиенасы ережелерін сақтау, қауіпсіз су мен сапалы тағам өнімдерін тұтыну — холерадан және басқа да жедел ішек инфекцияларынан сенімді қорғаныс болып табылады.

Есіңізде болсын: алдын алу — емдеуден тиімдірек.

Назарларыңызға рахмет!