«Мүгедектерді және мүгедек балаларды курорттық емдеумен қамтамасыз ету үшін құжаттарды ресімдеу» мемлекеттік қызметі"

Мүгедектер немесе олардың заңды өкілдері, не мүгедектің атынан санаториялық-курорттық емдеуге арналған құжаттарды беру құқығына сенімхат негізінде әрекет ететін адамдар (бұдан әрі – өтініш беруші) мүгедектің тұрғылықты жері бойынша қоса берілген құжаттармен өтініш береді:

1) «Азаматтарға арналған үкімет» мемлекеттік корпорациясы» коммерциялық емес акционерлік қоғамы (бұдан әрі – Мемлекеттік корпорация);

2) Астана, Алматы және Шымкент қалаларының (бұдан әрі – қалалық басқармалар), аудандардың және облыстық маңызы бар қалалардың (бұдан әрі – жұмыспен қамту бөлімдері) жергілікті атқарушы органдарына (бұдан әрі – ЖАО);

3) «электрондық үкімет» веб-порталы (бұдан әрі – веб-портал);

4) ұялы байланыс абоненттік құрылғысы (бұдан әрі – абоненттік нөмір).

Проактивті сервис арқылы өтініш беру кезінде өтініш беру талап етілмейді.