Харьяков Юрий Александровичті еске Алу...

         76 жасында, Мемлекеттік қызмет ардагері - Харьяков Юрий Александрович қайтыс болды. Ол 1947 жылы 20 қарашада Қостанай облысы Орджоникидзев ауданы Денисовка ауылында дүниеге келген. Мектепті бітіргеннен кейін ОКТУ-170 дене шынықтыру нұсқаушысы, "Қайрат" ЕАСҚ аудандық кеңесінің төрағасы, аудандық халық депутаттары кеңесі атқару комитетінің, облыстық атқару комитетінің, Қостанай облысы әкімшілігінің әртүрлі лауазымдарында жұмыс істеді. Облыс әкімдігі жанындағы тәртіптік кеңесті басқарды, ҚР Мемлекеттік қызмет істері агенттігі басқармасы бастығының орынбасары қызметін атқарды.

         2015 жылдан 2023 жылдың 20 ақпанына дейін "Ардагерлер ұйымы" РҚБ Қостанай қалалық филиалының төрағасы болып жұмыс істеді. Осы жылдар ішінде шағын аудандар, оқу орындары және облыс орталығының басқа да көптеген ұйымдары мен кәсіпорындары ардагерлерінің бастауыш ұйымдарының қызметін жандандырды.

         Юрий Александрович соғыс және еңбек ардагерлерінің, тыл еңбеккерлерінің және қала зейнеткерлерінің әлеуметтік осал бөлігінің проблемаларын шешумен тынымсыз айналысты. Қала тұрғындарын қоғамдық саяси өмірге және мәдени-бұқаралық жұмысқа белсенді тартып, салауатты өмір салтын насихаттады.

         Оның басшылығымен қала ардагерлер кеңесінің саяси партиялардың, облыстық Қазақстан халқы Ассамблеясының және Қостанай аумағында жұмыс істейтін басқа да қоғамдық-саяси бірлестіктердің филиалдарымен тығыз ынтымақтастығы жолға қойылды.

         Ол барлық жұмыс орындарында жауапты және принципті басшы, жанашыр және мұқият жолдас болды.

         Харьяков Ю.А. керемет отбасы адамы болды, ұлдары, немерелері мен шөберелеріне үлгі болды.

         Мемлекеттік қызметтегі әріптестері, қалалық ардагерлер ұйымының белсенді-қоғам белсенділері және барлық қостанайлықтар оның өмірден кеткені туралы қайғырып, туыстары мен жақындарына терең көңіл айтады.

         Юрий Александрович туралы жарқын естелік біздің жүрегімізде мәңгі сақталады.

Жүндібаев М.К., Сандыбеков Б.Н., Исмагулов А.Е., Шуленов М.М., Катпаев Р.Ж., Моргунов М.В., Манатова А.Р., Искандирова Т.Н., Подоляков М. И., Көпеш Б.К., Байсарина Р.А., Андрейчик В.В.