Электр желілеріне технологиялық қосу

2020 жылғы 23 қыркүйекте № 327 Қазақстан Республикасы Энергетика министрінің бұйрығымен Электр желілеріне технологиялық қосу қағидаларын (бұдан әрі – Қағидалар) бекітілді. Олар «электр энергетикасы туралы» ҚР Заңына сәйкес әзірленді және энергия беруші ұйымдардың электр желілеріне технологиялық қосылу тәртібін айқындайды.

Ережеде жаңа нысандарды қосуға түбегейлі жаңа көзқарас қарастырылған. Технологиялық қосылу үшін өтініш беруші немесе оның өкілі осы Қағидалардың 1-қосымшасына сәйкес нысан бойынша кәсіпкерлік субъектілерінің белгіленген қуаты 200 кВт дейінгі электр қондырғыларын энергия беруші ұйымдардың электр желілеріне технологиялық қосуға өтініш береді. Айта кету керек, Ереже талаптары кәсіпкерлік субъектілерінің 200 кВт-қа дейінгі электрмен жабдықтау объектілеріне ғана электр желілеріне қосылу процесін барынша жеңілдету үшін ғана қолданылатын болады. Қолданыстағы заңнаманың талаптарына сәйкес қажетті техникалық құжаттаманы алу, құрылыс жобасын іске асыруды тұтынушы мамандандырылған ұйымдарды (жобалау, құрылыс-монтаждау және т.б.) тарта отырып, дербес жүзеге асырады.

Қағидаларда желілерге технологиялық қосылу электр желісі ұйымымен келісім жасасу арқылы жүзеге асырылатын болады. Технологиялық қосылу үшін энергия беруші ұйым кәсіпкерлік субъектілерінің белгіленген қуаты 200 кВт дейінгі электр қондырғыларын энергия беруші ұйымдардың электр желілеріне технологиялық қосудың үлгілік шартына сәйкес өтініш берушімен шарт жасасады. Айта кету керек, бұл қызметтер нарығындағы мүлдем жаңа бағыт «кілтке қосылу». Осындай келісім жасалғаннан кейін тұтынушы электрмен жабдықтауға қол жеткізудің барлық техникалық және құжаттамалық ерекшеліктеріне тап болмайды. Энергия беруші ұйым өзінің электр желілеріне технологиялық қосылуды жүзеге асыру бойынша өзіне міндеттемелер қабылдайды, ал кәсіпкерлік субъектісі технологиялық қосылуға арналған шығындарды төлеуге міндеттенеді. Барлық қажетті іс-шараларды (техникалық құжаттаманы ресімдеу, құрылыс жобасын жасау, құрылыс-монтаждау жұмыстарын жүргізу, сынақтар жүргізу және т.б.) электр желісі ұйымы басынан бастап тұтынушының электр қондырғыларына электр энергиясын беруге дейінгі өзіне алған міндеттемелер шеңберінде жүргізетін болады.

Бұл ретте тұтынушы барлық жұмыстарды дербес жүргізетін қолданыстағы тетік те заңды болып қалады және таңдау құқығы тұтынушыда қалады.

Ереженің 3 тармағына сәйкес технологиялық қосылу келесі жағдайларда жүзеге асырылады:

1) жаңадан іске қосылатын немесе қайта жаңартылатын электр қондырғыларын қосу;

2) ең жоғары қуаты 200 кВт-қа дейін ұлғайтылатын бұрын қосылған электр қондырғыларын;

3) сыртқы электрмен жабдықтау схемасын өзгерту;

4) Электр қондырғыларын электрмен жабдықтау сенімділігі санатының өзгеруі;

5) Электр қондырғыларын қосу нүктесінің өзгеруі.

Тұтынушылардың назарына энергия беруші ұйымнан салынған электр желілерін өтініш беруші Қазақстан Республикасындағы сәулет, қала құрылысы және құрылыс қызметі туралы Заңның 11-тарауына сәйкес қабылдайтынын естеріңізге саламыз.