Қонай шағынауданындағы құрылыс пен инфрақұрылым жұмыстары туралы

Қала әкімі Қонай шағынауданына барып, құрылыс және абаттандыру барысымен танысты. Қазір 10 көпқабатты тұрғын үй салынып жатыр, 124 жеке үй пайдалануға берілді. Жауапсыз мердігерлермен келісімшарттар бұзылып, жұмыстарды жергілікті компаниялар жалғастыруда.

№103 автобус бағытына қосымша көліктер шығарылып, алғашқы рейс уақыты 6:15-ке ауыстырылды. Өрт сөндіру депосының құрылысына жобалық құжаттама 15 қазанға дейін дайындалады.

Скверді абаттандыру басталды. Демалыс аймағы, балалар ойын алаңы, тренажерлар мен веложол салу жоспарланған.