Қостанай қаласының әкімдігінде Қазақстан Республикасы Президентінің Жолдауы талқыланды

Қостанай қаласының әкімдігінде Қазақстан Республикасының Президенті Қасым-Жомарт Кемелұлы Тоқаевтың жыл сайынғы Жолдауы талқыланды. Жиынға мемлекеттік қызметшілер, депутаттар, коммуналдық мекемелердің басшылары, сондай-ақ қоғам өкілдері қатысты.

Іс-шараға қатысушылар Жолдауда көтерілген негізгі мәселелерді жан-жақты қарастырды. Атап айтқанда, елдің экономикалық әлеуетін арттыру, әлеуметтік даму, тұрғын үй-коммуналдық шаруашылығын жаңғырту, цифрландыру және халықтың өмір сүру сапасын жақсарту сынды бағыттар талқыланды.

Кездесу барысында Қостанай қаласында инфрақұрылымды дамыту, абаттандыру және тұрғын үй салу мәселелеріне ерекше назар аударылды.

Қала әкімі қойылған міндеттерді орындау тек қана қала тұрғындарының өмір сүру жағдайын жақсартуға емес, сонымен қатар жаңа жұмыс орындарын ашуға, шағын және орта бизнесті дамытуға, өңірге инвестиция тартуға да ықпал ететінін атап өтті.