«Мемлекеттік тілге жеті қадам» облыстық форумы

Бүгін облыстық Қазақстан халқы Ассамблеясының бастамасымен мемлекеттік тілді үйрену және медиа сауаттылықты арттыру бағдарламасын жүзеге асыру аясында түрлі этнос өкілдеріне арналған «Мемлекеттік тілге жеті қадам» облыстық форумы өтті.

Басты мақсат-қазақстандық ұлтжандылық, азаматтық және рухани-мәдени қоғамдастық негізінде Қазақстан Республикасында қоғамдық келісім мен жалпыұлттық бірлікті қамтамасыз ету үшін жастарды дамыту және шоғырландыру, жастардың белсенділігі мен өнерпаздығын дамыту;

Форум жұмысына облыстың қалалары мен аудандарынан 200-ден астам оқушы мен педагог қатысты.

Ал форум спикерлері: «Qazaqstan» телеарнасының «Қазақстан» РТРК АҚ бас редакторы, «Aqparat» (Астана) бағдарламасының жүргізушісі – Гаврина Алла Николаевна, «Ассамблея жастары» РҚБ өкілдігінің төрағасы, «Украин Оберег қоғамы» ҚБ жастар қанатының төрағасы - Лагуткина Юлия Николаевна, шоумен, жүргізуші, блогер-Крис Блэк болды.

7 ай ішінде қатысушылар мемлекеттік тілді үйренуге мүмкіндік алған бірқатар іс-шаралар өткізілді.

Форум қорытындысы бойынша 10 оқушы елордаға баруға мүмкіндік алды, ал қалғандары естелік сыйлықтар мен алғыс хаттар алды.

Сондай-ақ, форумда жобаның барлық кезеңінде өз оқушыларын үйлестірген мұғалімдер атап өтілді.