Декреттік демалыстан кейін бірден еңбек демалысын алуға бола ма?

Еңбек кодексіне сәйкес жыл сайынғы ақылы еңбек демалысын берудің жалпы тәртібі бала үш жасқа толғанға дейін жүктілігі және босануы бойынша демалысты пайдаланған әйелдерге қолданылады.
Осылайша, Кодекстің 22-бабының 1-тармағының 7-тармақшасына және 23-бабының 2-тармағының 15-тармақшасына сәйкес қызметкер жыл сайынғы ақылы еңбек демалысына құқылы, ал жұмыс беруші оны қызметкерге беруге міндетті.
Аталған құқық пен міндет Кодекстің 91-бабына сәйкес, жыл сайынғы ақы төленетін еңбек демалысын беруге құқық беретін еңбек өтілі болған кезде туындайды, оған мыналар кіреді:
1) нақты жұмыс істеген уақыт;
2) қызметкер нақты жұмыс істемеген, бірақ оның жұмыс орны (лауазымы) мен жалақысы толық немесе ішінара сақталған уақыт;
3) уақытша еңбекке жарамсыздыққа, оның ішінде жүктілікке және босануға байланысты демалыста болған уақыт;
4) қызметкер жұмысын қалыпқа келтірер алдындағы іс жүзінде жұмыс істемеген уақыт.
Осылайша, жалақы сақталмайтын еңбек демалысы жыл сайынғы ақылы еңбек демалысына құқық беретін еңбек өтіліне қосылмағандықтан, онда жұмыс берушінің келісімі бойынша қызметкерге алдын ала толық еңбек демалысы немесе нақты жұмыс істеген уақытына сәйкес демалыстың бір бөлігі берілуі мүмкін.