Конфессияаралық сала бойынша өзекті мәселелер талқыланды

        2023 жылғы 27 шілдеде дөңгелек үстел форматында Дін істері жөніндегі басқармасы облыстың діни бірлестіктерінің басшыларымен және өкілдерімен кездесу өткізді.

        Іс-шара барысында өңірдегі жалпы діни ахуал, қоғамдағы конфессияаралық келісім мен толеранттылықты сақтау және нығайту, Әлемдік және дәстүрлі діндер көшбасшыларының IIV съезінің қорытындыларын ақпараттық ілгерілету, сондай-ақ қоғамда діни постулаттар призмасы арқылы сыбайлас жемқорлыққа қарсы мәдениет пен парасаттылықты қалыптастыру мәселелері талқыланды.

        Іс-шараға қатысушылар этномәдени және діни айырмашылықтар негізінде жанжалдарды болдырмау, қоғамдағы үйлесімділікті қамтамасыз ету, дінаралық толеранттылықты, азаматтық бейбітшілікті, түрлі діндерге төзімділікті сақтау үшін рухани құндылықтардың маңыздылығы, әсіресе жастар арасында білім мен тәрбиенің рөлін арттыру, сенушілер мен халық арасында адамгершілік құндылықтар мен моральдық бағдарларды ілгерілету қажеттілігі туралы бірыңғай ұстанымын білдірді.

        Дөңгелек үстел соңында басқарма басшысы Е. Б. Қалмақов діни бірлестіктердің басшыларымен, оның ішінде Рухани келісім күнін мерекелеуге арналған диалог алаңдары шеңберінде алдағы жоспарлар мен жаңа міндеттерді белгіледі, сондай-ақ бейбітшілік пен келісімді қамтамасыз ету, қоғамдағы тұрақтылық пен құру атмосферасына қол жеткізу үшін рухани-адамгершілік дамудағы әрбір конфессияның рөлін арттыру мақсатында одан әрі сындарлы ынтымақтастыққа шақырды.