Дін мәселелері бойынша АТТ мүшелеріне арналған семинар

2025 жылдың 20 қарашасында Қостанай облысы әкімдігінің дін істері жөніндегі басқармасының қолдауымен «Діни проблемаларды зерттеу орталығы» КММ дін мәселелері бойынша ақпараттық-түсіндіру топтары (АТТ) мүшелері мен қала/аудан әкімдіктерінің ішкі саясат бөлімдері басшылары үшін семинар өткізілді.

Семинар барысында «Экстремизмге және терроризмге қарсы іс-қимылдың мемлекеттік жүйесін дамытудың 2023-2025 жылдарға арналған кешенді жоспарының» индикаторларына қол жеткізу бойынша 2025 жылғы жұмыстың алдын ала қорытындылары шығарылды, сондай-ақ 2026 жылға арналған негізгі міндеттер айқындалды.

Ішкі саясат бөлімдерінің басшылары ағымдағы жылғы «Қостанай облысындағы діни ахуалды талдау: үрдістер мен болжам» социологиялық зерттеуінің қорытындыларымен танысты.

Іс-шара соңында облыстық АТТ жұмысының қорытындысы шығарылды. 2025 жылдың он бір айында жоспарланған 185 шара бойынша облыстық АТТ мүшелері 251 іс-шара өткізді. АТТ мүшелері өңірдің барлық қалалары мен аудандарында, оның ішінде ауылдық округтерде түсіндіру жұмыстарын жүргізді. Халықтың нысаналы топтарымен ақпараттық-түсіндіру қызметіне белсенді қатысқан бірқатар АТТ мүшелері алғыс хаттармен және бағалы сыйлықтармен марапатталды.