«Қостанай облысы әкімдігінің денсаулық сақтау басқармасы» ММ Қостанай облысы әкімдігі денсаулық сақтау басқармасының «Қостанай облыстық психикалық денсаулық орталығы» коммуналдық мемлекеттік кәсіпорнына байқау кеңесінің мүшесін іріктеу бойынша конкурс жариялайды.

Қостанай облысы әкімдігі денсаулық сақтау басқармасының «Қостанай облыстық психикалық денсаулық орталығы» коммуналдық мемлекеттік кәсіпорны келесі мекенжай бойынша орналасқан: 110000. Қазақстан Республикасы, Қостанай облысы, Қостанай қ., Быковский к-сі, 4 «а».

          Негізгі қызметі: қанды және оның компоненттерін алу, дайындау, консервациялау, өткізу және сақтау.

          Конкурсқа қатысуға ниет білдірген тұлғалардың құжаттарын қабылдау басталатын күн мерзiмдi баспасөз басылымдарына конкурс өткізу хабарландыруы орналастырылған күннен бастап айқындалады.

          Кандидат мерзімді баспасөз басылымдарында конкурс өткізу жарияланған күннен бастап күнтізбелік отыз күн ішінде конкурсқа қатысуға өтінімді келесі мекенжай бойынша ұсынады: 110000. Қазақстан Республикасы, Қостанай облысы, Қостанай қ., Быковский к-сі, 4 «а».

          Денсаулық сақтау саласындағы шаруашылық жүргізу құқығындағы мемлекеттік кәсіпорындардағы байқау кеңесіне сайланатын адамдарға қойылатын талаптар жоғары білімнің, сондай-ақ мынадай талаптардың бірінің:

          1) денсаулық сақтау немесе ұйым бейіні бойынша және (немесе) экономика/қаржы және (немесе) бизнес және (немесе) құқық саласында кемінде 5 жыл жұмыс тәжірибесінің;

          2) денсаулық сақтау немесе ұйым бейіні бойынша және (немесе) экономика/қаржы және (немесе) бизнес және (немесе) құқық саласындағы басшылық қызметте кемінде 3 жыл жұмыс тәжірибесінің;

          3) денсаулық сақтау және (немесе) экономика және (немесе) бизнес және (немесе) құқық саласындағы қоғамдық бірлестіктердің мүшесі болуын қамтиды.

          Мынадай:

          1) соттылығы өтелмеген немесе алынбаған;

           2) заңды тұлғаны банкрот деп тану туралы шешім қабылданғанға дейін бір жылдан астам осы заңды тұлғаның басшысы болған;

          3) бұрын сыбайлас жемқорлық құқық бұзушылық жасаған;

          4) байқау кеңесінің басқа мүшесімен немесе мемлекеттік кәсіпорын басшысымен жақын туыстық және туыстық қатынастағы адамды байқау кеңесінің мүшесі ретінде сайлауға болмайды.

          Конкурсқа қатысу туралы өтініштерді ұсыну мерзімі:

Конкурсқа қатысуға ниет білдірген тұлғалардың құжаттарын қабылдау басталатын күн мерзiмдi баспасөз басылымдарына конкурс өткізу хабарландыруы орналастырылған күннен бастап айқындалады.

          Құжаттарды қабылдау мерзiмдi баспасөз басылымдарына конкурс өткізу жарияланған күнінен бастап күнтізбелік отыз күн өткен соң аяқталады.

          Конкурсқа қатысуға қажетті құжаттар:

          1) конкурсқа қатысу туралы өтініш (еркін нысанда жазылған);

          2) қазақ және орыс тілдеріндегі түйіндеме;

          3) өмірбаян (еркін нысанда жазылған);

          4) үміткердің жеке басын куәландыратын құжаттың көшірмесі;

          5) жоғары білімі туралы құжаттың көшірмесі;

          6) Еңбек Кодекстің 35-бабында көрсетілген еңбек қызметін растайтын құжаттардың көшірмелері;

          7) Қазақстан Республикасы Бас прокуратурасының Құқықтық статистика және арнайы есепке алу комитетінің аумақтық бөлімшелері берген соттылығы және сыбайлас жемқорлық құқық бұзушылықтары жоқ екендігін растайтын құжаттар.

          Конкурсқа қатысушы өзінің біліміне, жұмыс тәжірибесіне, кәсіби деңгейіне қатысты қосымша ақпаратты (біліктілігін арттыру, ғылыми дәрежелер мен атақтар беру, ғылыми жарияланымдар, алдындағы жұмыс орнының басшылығынан ұсыным) беруіне болады.

          Қатысушы конкурстық өтінімнің түпнұсқасын «Түпнұсқа» деп белгіленген конвертке салып мөрлейді. Бұл конвертте қатысушының тегі, аты, әкесінің аты (ол болған кезде) және мекенжайы көрсетілуі тиіс. Содан кейін конверт сыртқы конвертке салынып мөрленеді.

          Ішкі және сыртқы конверттер:

1) 110000, Қазақстан Республикасы, Қостанай облысы, Қостанай қ., Быковский к-сі, 4 «а» мекенжайы бойынша орналасқан Қостанай облысы әкімдігі денсаулық сақтау басқармасының «Қостанай облыстық психикалық денсаулық орталығы» коммуналдық мемлекеттік кәсіпорнына бағытталуы;

2) «Қостанай облыстық психикалық денсаулық орталығы» мемлекеттік кәсіпорынның байқау кеңесі мүшелерінің конкурсы» және «Дейін ашпаңыз 17 сағат 12 қазан 2026 жылға болмайды» (шақыруда немесе мерзімдік басылымда көрсетілген конвертті ашу күні мен уақыты) деген сөздерді қамтуы тиіс.

Конкурстық өтінім шақыруда немесе мерзімдік басылымдағы ақпаратта көрсетілген мекенжай бойынша жіберіледі.