Сіздерді Қазақстан Республикасының рәміздер күнімен шын жүректен құттықтаймын!

Құрметті Қырым ауылының тұрғындары!

Бүгін – халқымыздың тәуелсіздігі мен бірлігінің нышаны болған Қазақстан Республикасының Мемлекеттік рәміздері күні!

Мемлекеттік Ту, Елтаңба және Әнұран – бұл тек белгілер ғана емес, бұл – халқымыздың жүрегіндегі мақтаныш, елге деген сүйіспеншілік пен патриотизмнің көрінісі. Олар бізді бір ұлт, бір тағдыр аясында біріктіреді.

Осы мерекеде әрқайсымыз рәміздерімізге деген құрметімізді арттырып, оларды лайықты дәріптейік. Бұл – болашақ ұрпаққа берер өнегенің бастамасы.

Баршаңызды мерекемен құттықтай отырып, әрдайым еліміздің көк байрағы бейбіт аспанымызда желбірей берсін дегім келеді!

Мемлекеттік рәміздер – елдігіміздің белгісі!