Активтер мен міндеттемелер туралы декларациясы (250.00)
Кезең-кезеңімен енгізу тәртібі:
2021 жылғы 1 қаңтардан бастап (1-кезең): мемлекеттік қызметшілер мен оларға теңестірілген адамдар, сондай-ақ олардың жұбайлары.
2023 жылғы 1 қаңтардан бастап (2-кезең): мемлекеттік мекемелердің қызметкерлері және квазимемлекеттік сектор субъектілерінің қызметкерлері, сондай-ақ олардың жұбайлары.
2024 жылғы 1 қаңтардан бастап (3-кезең): заңды тұлғалардың басшылары, құрылтайшылары (қатысушылары), жеке кәсіпкерлер және олардың жұбайлары.
2025 жылғы 1 қаңтардан бастап (4-кезең): барлық азаматтар мен Қазақстан Республикасының резиденттері.
Кімдер декларация тапсыруға міндетті:
- Шетелде мүлкі бар ҚР азаматтары мен резиденттері, оның ішінде:
- Жылжымайтын мүлік, көлік құралдары, жер;
- Шетелдік компаниялардағы үлестер;
- Шетелдік банктердегі шоттардағы ақша (сомасы 1000 АЕК-тен асатын жағдайда)
- (2024 жылы 1 АЕК = 3692 тг, 1000 × 3692 = 3 692 000 теңге);
- Инвестициялық алтын;
- Құрылысқа қатысу үлесі;
- Шетелдік эмитенттердің бағалы қағаздары;
- Шетелдік брокерлік шоттар;
- Зияткерлік меншік объектілері, авторлық құқық;
- ҚР аумағынан тыс басқа адамдарға берілген қарыздар (құжаттармен расталған жағдайда);
- Басқа да мүлік (қалауы бойынша) – құны 1000 АЕК-тен асқан жағдайда (бағалау құжаты болуы керек).
- Сайлау және мемлекеттік лауазымға кандидаттар және олардың жұбайлары.
- Ірі қатысушы мәртебесіне үміткер тұлғалар (банктер, сақтандыру ұйымдары және т.б.), сондай-ақ олардың жұбайлары.
- Жеке практикамен айналысатын тұлғалар: нотариустар, адвокаттар, жеке сот орындаушылары, медиаторлар.
- Цифрлық активтері бар ҚР азаматтары мен резиденттері.
Декларацияны тапсыру мерзімі:
Декларацияны ағымдағы жылдың 15 қыркүйегіне дейін тапсыру қажет.
Декларацияны тапсыру тәсілдері:
Электронды түрде:
Салық төлеушінің кабинеті, Мемлекеттік кірістер комитетінің порталы
eGov порталы, e-Salyq Azamat, eGov mobile мобильді қосымшалары, HALYKBank қосымшасы.
Қағаз түрде: Мемлекеттік кірістер органдарына жеке барып немесе пошта арқылы тапсыруға болады.
Декларацияда көрсетілетін мәліметтер:
- Ел ішіндегі және шетелдегі мүлік: жылжымайтын мүлік, көлік, жер, үлес.
- Шетел банктеріндегі шоттардағы ақша (1000 АЕК-тен жоғары сома).
- ҚР «Сыбайлас жемқорлыққа қарсы іс-қимыл туралы» Заңына сәйкес көрсетілетін ақша қаражаттары.
- Құрылысқа қатысу үлесі;
- Бағалы қағаздар, ПИФ, цифрлық активтер;
- Инвестициялық алтын;
- Зияткерлік меншік объектілері;
- Шетелдік брокерлік шоттар;
- Қолма-қол ақша (10000 АЕК шегінде);
- Басқа тұлғаларға берілген қарыздар (құжаттармен расталған жағдайда);
- Басқа да мүлік (қалауы бойынша), құны 1000 АЕК-тен жоғары болса.
Қазақстандағы активтер мен міндеттемелерді мына сайттардан тексеруге болады:
- https://portal.kacd.kz – бағалы қағаздар бойынша
- https://homeportal.kz немесе https://www.gov.kz/services/3910?lang=ru – құрылысқа қатысу келісімшарттары бойынша
- https://gosreestr.kazpatent.kz – зияткерлік меншік объектілері бойынша
- https://egov.kz/cms/ru/services/pass077_mu – сенімгерлік басқаруға берілген мүлік бойынша Doculite жүйесі арқылы ҚР нотариаттық палатасына дебиторлық/кредиторлық берешектер туралы сұрау жіберуге болады.