Телефон сатып алғанда не білуіңіз керек:
ҚР СИМ Қостанай облысы бойынша сауда және тұтынушылардың құқықтарын қорғау департаментіне Қостанай облысының тұрғындарынан жаңа ұялы телефонды қайтаруға қатысты өтініштер жиі түсуде. Осылайша, тұтынушы Apple компаниясының 560 мың теңге тұратын IPhone ұялы телефонын онлайн сатып алуды ресімдеді, өз тапсырысын күтпей, бұрын тапсырыс берілген телефонды қайтарып алуға болады деген үмітпен телефонды дүкеннен сатып алды.
Басқа жағдайда күйеуі әйеліне сыйлық жасауға шешім қабылдады, құны 405 мың теңге тұратын Samsung S 23 ұялы телефонын сатып алды. Бұрын жұбайы телефонның осы маркасын армандаған, тосын сый жасауды шешіп, оның көптен бергі арманын жүзеге асырды. Сонымен қатар, әйелдің жұмысы іс-шараларды, мерекелерді түсірумен және оны орнатумен байланысты. Сыйлықты бергеннен кейін әйеліне IPhone маркалы функционалды ұялы телефон қажет болды. Екі жағдайда да телефонды сатушыға қайтару мүмкін болмады.
Телефон сатып алғанда не білуіңіз керек:
«Тұтынушылардың құқықтарын қорғау туралы» Заңның 30-бабына сәйкес сапалы тауардың ұялы байланыс абоненттік құрылғыларын 14 күнтізбелік күн ішінде қайтаруға немесе айырбастауға болмайды. Осылайша, смартфондар мен планшеттерді сатып алуға мұқият қарау керек. Сізге ұнамайтын немесе сәйкес келмейтін құрылғыны сатушыға қайтару мүмкін емес.
Егер сатып алушы түсіне, моделіне, жиынтығына немесе функционалына сәйкес келмесе, сатушы қаражатты қайтарудан немесе сапалы тауарды айырбастаудан бас тартуға құқылы.
Дегенмен, бұл ереже сапасыз тауарларға қолданылмайды - сапасыз немесе ақауы бар құрылғылар үшін сатушылар әлі де өнімді қайтаруға немесе ауыстыруға міндетті.
Тұтынушы тауардың кемшіліктерін тапқан және оны ауыстыру туралы талап қойған жағдайда, сатушы (дайындаушы) оны дереу ауыстыруға, ал сатушыға (дайындаушыға) тауардың сапасын қосымша тексеру (сараптама жасау) қажет болған кезде – тиісті талап қойылған кезден бастап күнтізбелік отыз күн ішінде ауыстыруға міндетті. Тиісті емес сападағы тауар соған ұқсас жаңа тауарға, яғни бұрын пайдаланылмаған тауарға ауыстырылуға тиіс.
Егер сіз сапасыз телефон сатып алсаңыз не істеу керек:
В соответствии со статьей 42-4 Закона Республики Казахстан «О защите прав потребителей» Потребитель, права и законные интересы которого нарушены, необходимо обратиться к продавцу с претензией об устранении нарушений прав и законных интересов.
"Тұтынушылардың құқықтарын қорғау туралы" Қазақстан Республикасы Заңының 42-4-бабына сәйкес құқықтары мен заңды мүдделері бұзылған тұтынушы сатушыға құқықтары мен заңды мүдделерін бұзушылықтарды жою туралы наразылықпен жүгінуге құқылы.
Тұтынушының сатушыға наразылығы қолма-қол табыс етіледі не табыс етілгені туралы хабарламасы бар тапсырысты пошта жөнелтімі нысанында не сатушының электрондық пошта мекенжайы бойынша, егер мұндай мекенжайды сатушы бұрын көрсеткен болса, жіберіледі.
Сатушы тұтынушының наразылығын қарауға және тұтынушының талаптарымен келіспеген жағдайда тұтынушының наразылығын алған күннен бастап күнтізбелік он күн ішінде құжатпен негізделген дәлелді жазбаша жауап ұсынуға міндетті. Осы құжаттардың көшірмелері сатушының тұтынушыға жауабына қоса тіркелуге тиіс.
Егер сатушы күнтізбелік он күн ішінде наразылыққа жазбаша жауап бермесе немесе бұзушылықтарды жоюдан және сондай-ақ тұтынушылық дауды сотқа дейінгі тәртіппен қарауға қатысудан бас тартса, тұтынушы ҚР СИМ Қостанай облысы бойынша сауда және тұтынушылардың құқықтарын қорғау департаментіне жүгінуге құқылы.
Басшы М.А.Ерканов