Бүгін Әйет ауылында «Таза Қазақстан» республикалық экологиялық бағдарламасы аясында аумақты абаттандыру мен көгалдандыруға бағытталған «Таза өлке» акциясы өтті. Іс-шара барысында экологиялық жағдайды жақсартуға және елді мекеннің айналасында жасыл белдеуді қалыптастыруға маңызды үлес қосатын шырша көшеттері отырғызылды. Акцияға мемлекеттік қызметкерлер қатысты. Қатысушылар табиғатты сақтау және халық арасында экологиялық мәдениетті дамыту үшін ұжымдық жауапкершіліктің маңыздылығын атап өтті. Мұндай бастамалар өңірдің сыртқы келбетін жақсартып қана қоймай, экологиялық сананы қалыптастыруға, азаматтардың бірлігі мен әлеуметтік белсенділігін нығайтуға ықпал етеді.