Ағымдағы жылдың 25 қарашасында жасөспірімдерді, жүкті және бала емізетін әйелдерді вакцинациялау басталды. Бұл аймаққа ДДСҰ жасөспірімдерді, жүкті әйелдерді (16-37 апта) және емізетін әйелдерді вакцинациялау үшін мақұлдаған американдық Pfizer вакцинасы кірді. Тобыл кентінің медициналық амбулаториясында вакцинаны бірінші болып жасөспірімдер (ата-анасының жазбаша келісімімен) және бала емізетін әйелдер алды. Вакцинациядан бұрын барлық жасөспірімдер дәрігердің қарауынан өтті. Вакцинациядан кейін олар 30 минут бойы медициналық қызметкерлердің бақылауында болды. Барлық процедуралар кезінде олардың ата-аналары балалардың жанында болды.