29 тамыз күні Елубай Өмірзақов атындағы Мәдениет үйінде Қазақстан Республикасының Конституциясының 30 жылдығына арналған «Елімнің еркіндігі – Ата заңым!» атты салтанатты шара өтті.

Іс-шара Конституцияны кіргізіп, Мемлекеттік Гимнді орындаудан басталды.
Аудан әкімі Қайсар Мыржақыпов Конституцияның ел бірлігі мен тұрақтылықтың, алға нық қадам басудың нышаны екенін атап өтті.
Шара барысында туған өлкеміздің өркендеуіне сүбелі үлес қосқан азаматтарға облыс және аудан әкімінің Құрмет грамоталары мен Алғыс хаттары табысталды.
Мереке аудан өнерпаздарының концертімен жалғасын тапты. Залда бірлік пен мақтаныш рухы сезіліп, Ата Заңымыздың халқымызды біріктіретін басты құндылық екенін тағы да дәлелдеді!