Қостанай облысында «Болашақ мектептері» ашылуда: мыңдаған оқушы орындары, робототехника және коворкинг

Қостанай облысы мектеп тапшылығы мәселесін қалай шешуде? 7 мыңнан астам оқушы орны, заманауи кабинеттер, спортзалдар, кітапханалар және педагогтерге арналған жұмыс орындары.

Білім беру инфрақұрылымы жүйелі түрде дамып келеді. Өңірде ең жоғары стандарттарға сай жаңа заманауи мектептер қарқынды салынуда. Алдағы екі жылда Қостанай облысында қосымша 7740 оқушы орны ашылады, оның 4500-і салынып жатқан мектептерде болса, ал 3300 орын пайдалануға берілді және оқушыларды қабылдап жатыр.

Бұл Президент Қасым-Жомарт Кемелұлы Тоқаевтың тапсырмасы бойынша «Жайлы мектеп» Ұлттық жобасын іске асырудың арқасында мүмкін болды.

Мектептер қайда ашылды?

Жаңа мектептер:

Қостанай ауданының Заречный ауылында,
Арқалық қаласында,
Қостанай қаласының «Аэропорт» және «Береке» аудандарында ашылды — бұл шағын аудандарға балалы отбасылар белсенді түрде көшіп келуде.

Жалпы жобалық қуаты 3300 орын. Барлық мектептер мемлекеттік тілде оқытады.

Ерекшелігі жай ғана мектеп емес – зияткерлік хаб.

Жаңа мектептер бірыңғай стандарт бойынша салынған.

интерактивті панельдер мен ақылды тақталар,
робототехника кабинеттері, STEM-зертханалар,
компьютерлік сыныптар,
медиасыныптар,
бірнеше спорт және би залдары,
оқушыларға арналған коворкинг және демалыс орындары.

Мектептерде мүмкіндігі шектеулі балаларға арнайы санитарлық бөлме және лифт қарастырылған, медициналық кабинетпен, озық үлгідегі асханалармен жабдықталған.

Ал жайлы оқу залдары бар кітапханаларда мемлекеттік тілдегі оқулықтардың қоры жинақталған.

Алдағы уақытта не күтуде?

Жыл соңына дейін тағы екі жайлы мектеп ашылады:

300 орынға арналған Әулиекөл ауданының Құсмұрын ауылында,
900 орынға арналған Рудный қаласында.

Сонымен қатар, Қостанай қаласының жаңа шағын аудандары мен ауылдық елді мекендерде 3240 оқушы орынға арналған тағы бес мектептің құрылысы жүргізілуде.

Жаңажұмысорындары

Барлық мектептер іске қосылғаннан кейін өңірде 700-ге жуық жаңа жұмыс орны, оның 500-ден астамы педагогтер үшін ашылмақ.

⸻

Қостанай облысындағы «Жайлы мектеп» жобасы тек қабырға мен парта емес, бұл тең мүмкіндіктер, қадамдық қол жетімділіктегі сапалы білім және мектеп сыныбының табалдырығынан басталатын болашақ деп білеміз.