ФОРМАТИВТІ БАҒАЛАУ ӘДІСТЕРІН ҚОЛДАНУ БОЙЫНША ҮЗДІК ПЕДАГОГ ТӘЖІРИБЕСІМЕН БӨЛІСЕДІ

Қостанай жоғары политехникалық колледжінде арнайы пәндер оқытушысы Контробаева Ж.Д. колледж педагогтары үшін «Формативті бағалаудың тиімді әдістері» тақырыбында шеберлік сынып өткізді.
Мақсаты: «Үздік педагог-2022» республикалық байқауында ашық сабақта пайдаланылған формативті бағалау әдістерін қолдану тәжірибесін ұсыну.
Сабақ типі бойынша - проблемалық сабақ, түрі бойынша - зерттеу сипатындағы теориялық жұмыстар сабағы ретінде өткізілді. Мақсатты жұмысты қамтамасыз ету үшін оқытушы сабақтың дидактикалық мақсатын анықтады: түзету және бақылау түрінің рефлексиясын жүзеге асыруға жағдай жасау, олардың қиындықтарының себебін анықтау және түсіну, қиындықтарды жою бойынша іс-қимыл алгоритмін өз бетінше құру, іс-әрекеттерді өзіндік талдау жасауға және проблемалық мәселені шешудің жолдарын табуға үйрету. Сабақта келесі әдістер қолданылды: ауызша, проблемалық, репродуктивті, зерттелетін материалды ауызша баяндау кезінде көрнекілік және көрсету әдісі, ішінара іздену, салыстырмалы, бағдарламалау. Жаннат Дусембиевна сабақта білім алушылардың танымдық іс-әрекетін әртүрлі формада ұйымдастырды: фронтальды, топтық, жеке. Оқытушы келесі педагогикалық әдістерді қолданды: «Сабаққа эмоционалды кіру», «Тақырып-сұрақ», «Болжалдап ойлау», «Ассоциативті қатар», «Уақыт сызығы», «Сәттілік жағдайы», «Максималды көрнекілікпен ұсыну», «Тұжырымдамалық кесте», «Рейтинг», «Үш М».
Сабақтың ерекшелігі – білім алушыларды ынталандыру және жетістікке жетулеріне жағдай жасау, әлеуметтік серіктестің сұранысы бойынша проблемалық сұрақ қою: «Кәсіпорынның максималды пайда алуының тиімді әдісін анықтау», сондай-ақ оқытушының «Пайда табудың ең тиімді нұсқасы-өндірістік процесті автоматтандыру арқылы жұмысшылар санын азайту» гипотезасын қоюы, зерттеу жүргізу, түсіндіру және деректерді талдау болды.