Амангелді ауданының 782 оқушысы «Заң мен тәртіп – тұрақтылық кепілі» форумына қатысты

 

Амангелді ауданында «Заң мен тәртіп» қағидатын іске асыру аясында аудан прокуратурасы ұйымдастырған «Заң мен тәртіп – тұрақтылық кепілі» форумы өтті.

Іс-шараға Амангелді ауданы әкімінің орынбасары Сахан Төленов, білім бөлімінің басшысы Мұрат Дихамбаев, спорт бөлімінің басшысы Нұрлыбек Әбдіхалықов, сондай-ақ құрметті қонақтар – белгілі спортшылар, Қазақстан Республикасының спорт шеберлері: қазақ күресінен ҚР Кубогының жеңімпазы Мұрат Тұрмағамбетов; «Амангелді барысы» жеңімпазы, самбодан Азия чемпионы Бекболат Мұқанов; қазақ күресінен ҚР спорт шебері, өрт сөндіру бөлімінің бастығы, азаматтық қорғау майоры Сержан Теміржанов қатысты.

Форум модераторы Амангелді ауданының прокуроры Ерлан Қойбағаров болды. Ашық диалог форматында өткен іс-шара барысында оқушылар спортшыларға сұрақтар қойып, өз пікірлерін білдірді.

Форум кезінде «Есірткісіз болашақ - жарқын өмірдің кепілі», «Жасөспірімдер арасындағы құқық бұзушылықтың алдын алу» тақырыптары бойынша баяндамалар жасалды.

Форум соңында ауданның атағын республикалық деңгейде шығарып жүрген спортшыларға Алғыс хаттары табысталды.

Іс-шара аудандық спорт кешеніндегі спорттық жарыстармен жалғасты. Оқушылар арасында волейболдан және үстел теннисінен өткен турнирлердің қорытындысы бойынша жеңімпаздар дипломдармен марапатталды.

#Заң_мен_тәртіп