2025 жылғы 10 желтоқсанда «IQostanay» балаларға арналған SMART-орталығында» облыстық ЭКО-фестивалі өтті, онда білім беру ұйымдарымен, білім, қоғамдық даму, табиғи ресурстар және табиғат пайдалануды реттеу, энергетика және тұрғын үй-коммуналдық шаруашылығы басқармаларымен, ҮЕҰ-мен, қоғамдық ұйымдармен бірлесіп «NECO» қоғамдық қорының іске асырған жобалары мен іс-шараларының қорытындысы шығарылды.

Фестиваль аясында түрлі форматтағы іс-шаралар ұйымдастырылды: клубтың қызметі туралы қорытынды есеп, эко тауарлар жәрмеңкесі, тимбилдингтер, шеберлердің сабақтары, диалог алаңдары.

Фестиваль соңында батарея, макулатура жинау, үздік бейнероликтер конкурстары мен эко жобаларының жеңімпаздарын салтанатты марапаттау рәсімі өтті. Қостанай облысының білім беру мекемелеріне атаулы дипломдар мен бағалы сыйлықтар табысталды.