Есірткісіз салауатты болашақ: педагогтер мен полиция жастардың игілігі үшін бірікті

2025 жылғы 25 тамызда жастар арасында «Заң және тәртіп» мемлекеттік саясат тұжырымдамасын іске асыру барысында есірткі профилактикасының мәселелері бойынша кеңес өтті.
Іс-шараны Полиция департаментінің Есірткі қылмысына қарсы іс – қимыл басқармасы облыстың білім басқармасымен бірлесіп ұйымдастырды.
Кездесудің мақсаты – кәмелетке толмағандар арасында есірткі қолдануды алдын алудың тиімді шараларын талқылау, жастарды есірткі құралдарын заңсыз айналымға тартудың алдын алу, сондай-ақ салауатты өмір салтын көпшілікке тарату.
Кеңеске 450-ден аса адам қатысты: мектептер мен колледждердің директорлары, сондай-ақ құқық қорғау органдарының өкілдері.
Құқық қорғау органдарының өкілдері өңірдегі қазіргі есірткі ахуалы, есірткіні интернет арқылы сатуға, кәмелет жасқа толмаған тұтынушылар санының артуына, сондай-ақ жастарды құқыққа қарсы қызметке тартудың жаңа түрлеріне байланысты сын қатерлер туралы хабардар етті.
Оқушылар арасында қауіп-қатер факторларын ерте анықтау, оқу орындарында профилактика жұмыстарын ұйымдастыру, сондай-ақ білім беру жүйесі мен құқық қорғау органдары арасындағы өзара іс-қимылды нығайту қажеттілігі бойынша мәселелерге ерекше назар аударылды.
Кездесу нәтижесінде өскелең ұрпақты есірткіден қорғауға бағытталған профилактикалық және тәрбие жұмысын күшейту бойынша білім беру мекемелеріне арналған ұсынымдар әзірленді.