Әулиекөл ауданы бойынша «Мен сені сүйем, Менің Қазақстаным» атты видеоролик конкурсының қорытындысы шығарылды.

Конкурсқа Әулиекөл  мемлекеттік мектебінің, Ш. Уәлиханов атындағы мектеп-гимназияның, Құсмұрын №2 мектептің, Тимофеевка, Диевка мектептері және Н.Островский атындағы Аманқарағай мектебінің оқушылары қатысты. Ең көп өтінім Ш. Уәлиханов атындағы Әулиекөл мектебінен келді.

📝Байқау комиссиясына кіргендер:

Юлия Калюжная — Қостанай облысы психологтар қауымдастығының төрағасы

Александра Суслова — педагог және ақын, Қостанай облысы ғылыми-эксперттік тобының мүшесі

Руслан Мурзагалиев — «Жастары ассамблеясы» қоғамдық ұйымының жетекшісі

📌Байқаудың негізгі мақсаты — патриоттық, туған елге деген мейірім мен бірлікті насихаттайтын шығармашылық видеоларды анықтау және ынталандыру.

🎥Барлық видео материалдарды мұқият қарап, бағалап болған соң, комиссия жеңімпаздарды келесі түрде анықтады:

Бірінші орын — Берденова Анара (Құсмұрын №2 мектеп) — 57,5 ұпай

Екінші орын — Мишутина Анастасия (Ш. Уәлиханов атындағы Әулиекөл гимназиясы) — 56 ұпай

Үшінші орын — Остапович Нурсұлтан (Н.Островский атындағы Аманқарағай мектебі) — 52 ұпай

Жеңімпаздар мен барлық қатысушыларды құттықтаймыз! Баршаға естелік сыйлықтар мен дипломдар табыс етілді. Шығармашылыққа, патриотизмге және туған елге деген махаббатқа алғысымыз шексіз. Алдағы уақытта да табыс пен шабыт тілейміз!

Іс-шара «Қостанай облысы психологтар қауымдастығы» қоғамдық ұйымының ҚАА-ның тапсырысы мен Әулиекөл ауданы әкімінің ішкі саясат бөлімінің ұйымдастыруымен өтті.