«ӨЗІҢІЗДІ ТҰМАУ МЕН ЖРВИ дан ҚОРҒАҢЫЗ»
Тұмау мен ЖРВИ – жұғу жолдары мен негізгі белгілері бойынша бір-біріне ұқсас болғанымен, бұл екі түрлі ауру.Көп жағдайда ЖРВИ-ны жай ғана суық тию деп қабылдайды және оны, әсіресе ересектер арасында, қауіпті ауру деп санамайды. Алайда вирус ауыр асқынуларға әкелуі мүмкін, сондықтан өзін-өзі емдеумен айналысудың қажеті жоқ.
Тұмау – - жыл сайын жаппай таралуға және тіпті бүкіл әлемде эпидемияға алып келетін ең кең таралған жұқпалы аурулардың бірі. Тұмау әрқашан кенеттен басталады. Ең алдымен дене қызуы 38ºС-қа дейін, орташа ауырлықта – 39–40ºС-қа дейін көтеріледі, ал ауыр жағдайда 40ºС-тан да жоғары болуы мүмкін. Қалтырау, бас ауруы, көз алмасының қозғалысы кезіндегі ауырсыну, бұлшықет ауруы, әлсіздік, тәбеттің төмендеуі, тамақтың ауыруы, жөтел, көзден жас ағу байқалады.
Әулиекөл ауданы тұрғындарына ЖРВИ мен тұмаудың алдын алу мақсатында мынадай ұсыныстар береміз:
- таза ауада, саябақтар мен аллеяларда жиі серуендеу (дұрыс тыныс алу ырғағымен жүру өкпе желдетілуін жақсартады, қан айналымын күшейтеді, ағзаны шынықтырады);
- қол гигиенасын сақтау – көшеден кейін, жиі қолды сабынмен жуу;
- ауырған адаммен байланыста болғанда медициналық қорғаныш бетперделерді пайдалану;
- үй-жай мен жұмыс орнын жүйелі түрде желдетіп тұру;
- эпидемиялық маусым кезінде мүмкіндігінше халық көп жиналатын орындардан аулақ болу;
- салауатты өмір салтын ұстану, денешынықтырумен және ағзаны шынықтырумен айналысу;
- құрамында С дәрумені көп тағамдарды тұтыну;
- егер ауырып қалсаңыз, ешқашан өзін-өзі емдеумен айналыспаңыз, уақыт созбай өз емханаңызға жүгініңіз немесе дәрігерді үйге шақырыңыз, «ауруды жүре көтермеңіз»!
Есіңізде болсын! Бүгінгі күні тұмаудың алдын алудың ең тиімді және ғылыми негізделген әдісі – вакцинация!
Ауырмаңыздар, дендеріңіз сау болсын!
«Әулиекөл аудандық санитарлық-эпидемиологиялық бақылау басқармасы» РММ-нің ЭБ бөлімінің басшысының м.а. Кабденова Гулмира Рафаэловна