27,4 мың адам 2025 жылы скорингтік модельді қолдана отырып, қосымша қолдау алды

 

27,4 мың адам 2025 жылы скорингтік модельді қолдана отырып, қосымша қолдау алды

Қарағанды облысы мен Шымкент қаласында отбасылардың әл-ауқатын анықтаудың скорингтік моделін қолдана отырып, мемлекеттік қолдау шараларын тағайындау бойынша пилоттық жоба іске асырылуда. 2025 жылы скоринг мемлекеттік қызметтің 4 түрін көрсету кезінде қолданылды, нәтижесінде 27,4 мың өтініш беруші қосымша қолдау шараларын алды, деп хабарлайды ҚР Еңбек және халықты әлеуметтік қорғау министрлігі.
Қазіргі уақытта пилоттық өңірлердегі скорингтік модель үш қызметті тағайындау кезінде қолданылады:" тұрғын үй көмегін тағайындау"," жеке тұрғын үй қорынан жалға алынған тұрғын үй үшін жалдау ақысының бір бөлігін субсидиялау "және"мүгедек балаларды үйде оқытуға кеткен шығындарды өтеу".

Пилоттық жоба аясында тұрғын үй көмегін тағайындау түріндегі қолдауға 1 942 адам жүгінді, барлық өтініштер бойынша оң шешім қабылданды.

Жалдау ақысының бір бөлігін субсидиялау бойынша 2 356 өтініш түсті. Скорингтік модельді қолдана отырып, оларды қарау нәтижелері бойынша 913 отбасында әл-ауқаттың жоғары деңгейі анықталды.

"Мүгедек балаларды үйде оқытуға жұмсалған шығындарды өтеу" қызметі бойынша өтініштер 2025 жылғы 1 қыркүйектен бастап түсе бастады. Барлығы 1 741 өтініш қабылданды, скоринг нәтижелері бойынша олардың 44-і әл-ауқат деңгейі бойынша 6-санатқа жататын отбасыларды жібергені анықталды.