"Саламатты Қазақстан" медициналық пойызының мамандары ауыл тұрғындарына 165 мыңнан астам медициналық қызмет көрсетті
"Саламатты Қазақстан" медициналық пойызының мамандары ауыл тұрғындарына 165 мыңнан астам медициналық қызмет көрсетті
"Саламатты Қазақстан" медициналық пойызының мамандары шалғайдағы ауылдар мен станциялардың 60 мыңға жуық тұрғынын, оның ішінде 14 мыңнан астам баланы тексерді. Ауруханалар мен дәрігерлер жоқ ауылдық аумақтардың тұрғындары бейінді мамандардың консультацияларын, аспаптық және зертханалық зерттеулерді қоса алғанда, 165 мыңнан астам білікті медициналық қызмет ала алды, деп хабарлады ҚР Денсаулық сақтау министрлігі.
Осылайша, "дөңгелектердегі емхананың" медициналық көмек құрылымында 9 мыңға жуық стоматологиялық қызмет көрсетілді, 18 мыңнан астам зертханалық талдау өңделді, 8841 УДЗ және 6787 ЭКГ сеанстары өткізілді, 4788 шағын хирургиялық операциялар орындалды.
Түрлі аурулармен тексерулер нәтижесінде 3007 пациент анықталды, оның 561-і БСК-мен ауырады, 76 адамда қант диабеті, глаукоманың 112 жағдайы анықталды, басқа аурулармен 1864 ауыл тұрғыны емделуге алынды. Оның ішінде тіркелген жері бойынша емханаларда динамикалық бақылауға 2973 пациент алынды, оның ішінде балалар - 449.
2024 жылдың 9 айында Медициналық пойызбен Қазақстанның он екі облысының: Маңғыстау, Атырау, Ақтөбе, Батыс Қазақстан, Қостанай, Солтүстік Қазақстан және Ақмола, Павлодар, Шығыс Қазақстан және Абай, Қарағанды және Ұлытау облыстарының 91 станциясы қамтылды.
Пойызда медициналық көмекті терапевт, педиатр, кардиолог, рентгенолог, хирург/ травматолог, оториноларинголог, невропатолог, стоматолог, акушер-гинеколог, уролог, офтальмолог, Ультрадыбыстық диагностика дәрігері, сондай-ақ психолог сияқты 14 тар маман көрсетеді. Өткен жылмен салыстырғанда пойыз рентген аппаратымен, маммографпен, ЭЭГ, сигмоидоскоппен, калькоскоппен жабдықталған.
Медициналық қызмет көрсету барысында бірқатар ерекше жағдайлар анықталды, олар уақтылы диагноз қойылып, емдеудің одан әрі тактикасы бойынша шұғыл шаралар қабылданды. Мысалы, электрокардиографиялық зерттеу жүргізу кезінде пациенттерде миокард инфарктісі көрінісінің болу жағдайлары анықталды, олар жедел медициналық жәрдем бригадасы шұғыл түрде стационарға жатқызылды.
Медициналық пойыздарда егде жастағы адамдарға, балаларға, сондай-ақ шұғыл немесе тұрақты медициналық көмекке мұқтаж адамдарға ерекше назар аударылады.
Жасалған меморандум шеңберінде денсаулық сақтау министрлігі мен "Самұрық-Қазына" АҚ арасында шалғай аудандардың тұрғындарына медициналық көмектің қолжетімділігін арттыру үшін жыл сайын "Саламатты Қазақстан "медициналық пойызы" әлеуметтік жобасы іске асырылуда.